Saame 37:1-40
-
ʻE lakalakaimonū ʻa e faʻahinga ʻoku falala kia Sihová
Saame ʻa Tēvita.
א [ʻAlefi]
37 ʻOua naʻá ke loto-mamahi* koeʻuhí ko e kau faikovíPe meheka ki he kau faihalá.+
2 ʻE vave ʻenau maé ʻo hangē ko e musié+Pea hangē ko e mōmoa ʻa e musie lanu mata toki tupú.
ב [Peta]
3 Falala kia Sihova pea fai ʻa e meʻa ʻoku leleí;+Nofo ʻi he māmaní,* pea faitōnunga ʻi hoʻo tōʻongá.+
4 Maʻu ʻa e fiefia lahi* ʻia Sihova,Pea te ne ʻoatu kiate koe ʻa e ngaahi holi ʻo ho lotó.
ג [Kimela]
5 Tuku atu ho halá* kia Sihova;+Falala kiate ia, pea te ne fai ha meʻa maʻau.+
6 Te ne ʻai ʻa hoʻo māʻoniʻoní ke ulo ʻo hangē ko e maʻa hake ʻa e ʻahó,Mo hoʻo totonú ke hangē ko e laʻā ʻi he hoʻatā mālié.
ד [Tāleta]
7 Hanganaki fakalongo pē ʻi he ʻao ʻo Sihová+Pea tatali mo e ʻamanaki* kiate ia.
ʻOua te ke loto-mamahi koeʻuhí ko e tangataʻOku lavameʻa ʻi hono fakahoko ʻa ʻene ngaahi faʻufaʻú.+
ה [Hē]
8 Tuku ange ʻa e ʻitá pea liʻaki ʻa e lilí;+ʻOua ʻe hoko ʻo loto-mamahi peá ke tafoki ʻo fai ʻa e meʻa ʻoku koví.*
9 He ko e kau faikoví ʻe toʻo atu ia,+Ka ko e faʻahinga ʻoku ʻamanaki kia Sihová te nau maʻu ʻa e māmaní.+
ו [Vau]
10 ʻOku toe siʻi pē, pea ʻe ʻikai toe ʻi ai ʻa e kau fulikivanú;+Te ke fakasio ʻa e feituʻu naʻa nau ʻi aí,Ka ʻe ʻikai te nau ʻi ai.+
11 Ka ko e anga-vaivaí te nau maʻu ʻa e māmaní,+Pea te nau maʻu ʻa e fiefia lahi ʻi he melino hulu fau.+
ז [Saini]
12 ʻOku faʻufaʻu ʻe he tangata fulikivanú ha kovi ki he māʻoniʻoní;+ʻOkú ne ʻūʻūnifo kiate ia.
13 Ka ʻe katakataʻi ia ʻe Sihova,He ʻokú Ne ʻafioʻi ʻe ʻi ai pē hono ʻaho.+
ח [Keta]
14 ʻOku unuhi ʻe he kau fulikivanú ʻa ʻenau heletaá pea fusiʻi ʻenau kaufanáKe lī ki lalo ʻa e kau lōmekiná mo e kau masivá,Ke tāmateʻi ʻa e faʻahinga ʻoku totonu ʻa honau halá.
15 Ka ʻe tuʻu pē ʻa ʻenau heletaá ʻi honau mafú;+Ko ʻenau kaufaná ʻe motu.
ט [Teta]
16 ʻOku lelei ange ʻa e momoʻi meʻa ʻa e tokotaha māʻoniʻoníʻI he mohu meʻa ʻa e kau fulikivanu tokolahi.+
17 He ko e nima ʻo e kau fulikivanú ʻe mafesi,Ka ʻe tokoniʻi ʻe Sihova ʻa e māʻoniʻoní.
י [Iota]
18 ʻOku ʻafioʻi ʻe Sihova ʻa e meʻa ʻoku foua ʻe he faʻahinga taʻemelé,*Pea ko honau tofiʻá ʻe tuʻu ʻo taʻengata.+
19 ʻE ʻikai ke fakamaaʻi kinautolu ʻi he taimi ʻo e fakatamakí;ʻI he taimi ʻo e hongé ʻe lahi ʻa e meʻa te nau maʻú.
כ [Kafa]
20 Ka ko e kau fulikivanú te nau ʻauha;+Ko e ngaahi fili ʻo Sihová te nau mole atu ʻo hangē ko e ngaahi kaikaiʻanga fakaʻofoʻofá;Te nau mole atu ʻo hangē ha ʻahú.
ל [Lameta]
21 ʻOku nō ʻa e tokotaha fulikivanú ʻo ʻikai te ne totongi fakafoki,Ka ko e tokotaha māʻoniʻoní ʻoku nima-homo* mo fiefoaki.+
22 Ko e faʻahinga ʻokú Ne faitāpuekiná te nau maʻu ʻa e māmaní,Ka ko e faʻahinga ʻokú Ne talatukiʻí ʻe toʻo atu ia.+
מ [Mema]
23 Ko Sihova ʻokú ne tataki* ʻa e ngaahi laka ʻa ha tangata+ʻI Heʻene leleiʻia ʻi hono halá.+
24 Neongo te ne tō, heʻikai te ne tō lafalafa,+He ʻoku pukepuke ʻe Sihova ʻa hono nimá.*+
נ [Nuna]
25 Naʻá ku talavou pea ko eni kuó u motuʻa,Ka kuo teʻeki ke u sio ki ha taha māʻoniʻoni kuo liʻaki,+Pe ko ʻene fānaú ʻoku nau kumi ki ha mā.*+
26 ʻOkú ne vēkeveke maʻu pē ke foaki,+Pea ko ʻene fānaú te nau maʻu ha tāpuaki.
ס [Sameha]
27 Tafoki mei he koví pea fai ʻa e meʻa ʻoku leleí,+Pea te ke nofo maʻu ʻo taʻengata.
28 He ʻoku manako ʻa Sihova ki he fakamaau totonú,Pea ʻe ʻikai te ne liʻaki ʻa ʻene faʻahinga mateakí.+
ע [ʻAini]
ʻE maluʻi maʻu pē kinautolu;+Ka ko e hako ʻo e kau fulikivanú ʻe toʻo atu ia.+
29 Ko e kau māʻoniʻoní te nau maʻu ʻa e māmaní,+Pea te nau nofo ai ʻo taʻengata.+
פ [Pē]
30 Ko e ngutu ʻo e tokotaha māʻoniʻoní ʻokú ne tuku mai ha poto,*Pea ko hono ʻeleló ʻoku lea ʻo fekauʻaki mo e fakamaau totonú.+
31 Ko e lao ʻa hono ʻOtuá ʻoku ʻi hono lotó;+ʻE ʻikai te ne hekea ʻi heʻene laká.+
צ [Sati]
32 ʻOku siofi ʻe he tokotaha fulikivanú ʻa e māʻoniʻoní,ʻO ne kumi ke tāmateʻi ia.
33 Ka ʻe ʻikai tuku ange ia ʻe Sihova ki he nima ʻo e tokotaha ko iá+Pe fakahalaiaʻi ia ʻi hono fakamāuʻí.+
ק [Kofi]
34 ʻAmanaki kia Sihova pea muimui ʻi hono halá,Pea te ne hakeakiʻi koe ke ke maʻu ʻa e māmaní.
ʻI he taimi ʻe toʻo atu ai ʻa e kau fulikivanú,+ te ke mātā ia.+
ר [Lesa]
35 Kuó u mamata ki he tangata kovi mo anga-fakamamahíʻOku mafola atu ʻo hangē ha fuʻu ʻakau tupu ʻāfaʻafa ʻi he kelekele naʻe tupu hake aí.+
36 Ka naʻe fakafokifā pē ʻene puli atú ʻo ʻikai toe ʻi ai;+Naʻá ku hanganaki kumi kiate ia, ka naʻe ʻikai ke maʻu.+
ש [Sini]
37 Fakatokangaʻi ʻa e tokotaha taʻemelé,*Pea hanganaki vakai ki he tokotaha faitotonú,+He ko e kahaʻu ʻo e tangata ko iá ko e melino.+
38 Ka ko e kotoa ʻo e kau faihalá ʻe fakaʻauha;Ko e kahaʻu ʻo e kakai fulikivanú ʻe tuʻusi atu.+
ת [Tau]
39 Ko e fakamoʻui ʻo e māʻoniʻoní ʻoku meia Sihova;+Ko ia ʻa honau kolotaú ʻi he taimi ʻo e faingataʻá.+
40 ʻE tokoniʻi mo fakahaofi kinautolu ʻe Sihova.+
Te ne fakahaofi kinautolu mei he kau fulikivanú mo fakamoʻui kinautolu,Koeʻuhí he ʻoku nau hūfanga kiate ia.+
Fakamatala ‘i Lalo
^ Pe “fakahāhā ʻokú ke ʻita.”
^ Pe “fonuá.”
^ Pe “Maʻu hoʻo fiefia lahi tahá.”
^ Fakafoʻilea, “Tekaki ho halá.”
^ Pe “tatali anga-kātaki.”
^ Pe ngalingali, “ʻOua ʻe hoko ʻo loto-mamahi, he ʻe iku pē ia ki he kovi.”
^ Fakafoʻilea, “ʻa e ngaahi ʻaho ʻo e faʻahinga taʻemelé.”
^ Pe “ʻokú ne fakahāhā ʻa e ʻofa.”
^ Pe “ʻai ke tuʻu maʻu.”
^ Pe “ʻaki ʻa Hono nimá.”
^ Pe “meʻakai.”
^ Pe “lea leʻo-siʻi ʻaki ʻa e potó.”
^ Pe “ʻoku tauhi anga-tonú.”
