Saame 50:1-23
Ko e hiva ʻa ʻĒsafe.+
50 Ko e ʻOtua ʻoku māʻolunga ʻi he ngaahi ʻotua kehé kotoa, ʻa Sihova,*+ kuó ne folofola;ʻOkú ne ui ʻa e māmaníMei he hopo ʻa e laʻaá ki heʻene toó.*
2 Mei Saione, ʻa e fungani ʻi he fakaʻofoʻofá,+ ʻoku ulo atu mei ai ʻa e ʻOtuá.
3 ʻE hāʻele mai ʻa hotau ʻOtuá pea heʻikai te ne fakalongo ai pē.+
ʻOku ʻi hono ʻaó ha afi faifakaʻauha,+Pea ʻoku takatakai ʻiate ia ha fuʻu afā.+
4 ʻOkú ne ui mai ʻa e langí ʻi ʻolunga pea mo e māmaní,+Koeʻuhí ke fakamāuʻi ʻa hono kakaí:+
5 “Fakatahataha mai kiate au ʻa kimoutolu ʻa ʻeku kau mateakí,ʻA kimoutolu ʻoku mou fai ha fuakava mo au fakafou ʻi ha feilaulaú.”+
6 ʻOku talaki ʻe he langí ʻa ʻene māʻoniʻoní,He ko e ʻOtuá tonu ʻa e Fakamāú.+ (Sila)
7 “Fanongo mai, ʻe hoku kakai, pea te u lea atu;ʻE ʻIsileli, te u fai ha fakamoʻoni kiate koe.+
Ko au ʻa e ʻOtuá, ʻa ho ʻOtuá.+
8 ʻOku ʻikai te u valokiʻi koe koeʻuhi ko hoʻo ngaahi feilaulaú,Pe koeʻuhí ko hoʻo ngaahi feilaulau tutu kakato ʻoku fai maʻu pē ʻi hoku ʻaó.+
9 ʻOku ʻikai fiemaʻu ke u toʻo mai ha pulu mei ho falé,Pe ko ha fanga kosi* mei ho ngaahi lotoʻaá.+
10 He ko e manu kaivao kotoa pē ʻo e vaotaá ʻoku ʻaʻaku ia,+Naʻa mo e fanga manu ʻoku ʻi he moʻunga kotoa pē.
11 ʻOku ou ʻilo ʻa e manupuna kotoa pē ʻo e ngaahi moʻungá;+Ko e fanga manu taʻefaʻalaua ʻo e fonuá ʻoku ʻaʻaku ia.
12 Kapau naʻá ku fiekaia, heʻikai te u tala atu kiate koe,He ko e fonua mahú mo e meʻa kotoa pē ʻoku ʻi aí ʻoku ʻaʻaku ia.+
13 Te u kai koā ʻa e kakano ʻo ha fanga puluMo inu ʻa e toto ʻo e fanga kosí?+
14 Fai ʻa e fakafetaʻi ko hoʻo feilaulau ia ki he ʻOtuá,+Pea fakahoko hoʻo ngaahi fuakava ki he Fungani Māʻolungá;+
15 Ui kiate au ʻi he taimi ʻo e faingataʻá.+
Te u fakahaofi koe, pea te ke fakalāngilangiʻi au.”+
16 Ka ʻe folofola ʻa e ʻOtuá ki he tokotaha fulikivanú:
“Ko e hā hoʻo totonu ke ke fakamatala ai ʻa ʻeku ngaahi tuʻutuʻuní+Pe lea ʻo fekauʻaki mo ʻeku fuakavá?+
17 He ʻokú ke fehiʻa ki he akonakí,*Pea ʻokú ke hanganaki sītuʻa mei heʻeku ngaahi leá.*+
18 ʻI hoʻo sio ki ha kaihaʻa, ʻokú ke tali lelei ia,*+Pea ʻokú ke hanganaki feohi mo e kau tonó.
19 ʻOkú ke ngāueʻaki ho ngutú ke fakamafola ʻa e meʻa ʻoku koví,Pea ʻoku pipiki ʻa e kākaá ki ho ʻeleló.+
20 ʻOkú ke nofo ʻo laukovi ki ho tokouá;+ʻOkú ke fakahaaʻi ʻa e ngaahi hala* ʻa e tama pē ʻa hoʻo faʻeé.
21 ʻI hoʻo fai ʻa e ngaahi meʻá ni, naʻá ku fakalongo pē,Naʻá ke fakakaukau ai te u hangē pē ko koé.
Ka ko eni te u valokiʻi koe,Pea te u fakahaaʻi atu ʻa hoʻo faihalá.+
22 Fakakaukau ange muʻa ki he meʻá ni, ʻa kimoutolu ʻoku mou fakangalongaloʻi ʻa e ʻOtuá,+Koeʻuhi ke ʻoua naʻá ku haehae kimoutolu ʻo ʻikai ha taha ke ne fai hamou fakahaofi.
23 Ko e tokotaha ʻokú ne fai ʻa e fakafetaʻí ko ʻene feilaulaú ʻokú ne fakalāngilangiʻi au,+Pea ko e tokotaha ʻokú ne muimui ʻi ha ʻalunga kuo fakapapauʻí,Te u ʻai ia ke ne mātā ʻa e fakamoʻui ʻoku fai ʻe he ʻOtuá.”+
Fakamatala ‘i Lalo
^ Pe “Ko e Tokotaha ʻOtua, ʻa e ʻOtuá, ʻa Sihova.”
^ Pe “Mei he hahaké ki he hihifó.”
^ Fakafoʻilea, “fanga kosi tangata.”
^ Fakafoʻilea, “lī ʻa ʻeku ngaahi leá ki ho tuʻá.”
^ Pe “fakahinohinó.”
^ Pe ngalingali, “kau mo ia.”
^ Pe “fakaongoongokoviʻi.”
