Saame 75:1-10
-
Fakamaau ʻa e ʻOtuá ʻi he totonu
-
Inu ʻe he kau fulikivanú ʻa e ipu ʻa Sihová (8)
-
Ki he pule hivá. Fakatonutonu ki he “ʻOua ʻe Fakaʻauhá.” Saame ʻa ʻĒsafe.+ Ko ha hiva.
75 ʻOku mau ʻoatu ʻa e fakamālō kiate koe, ʻe ʻOtua, ʻoku mau ʻoatu ʻa e fakamālō kiate koe;Ko ho huafá ʻoku ofi mai,+Pea ʻoku talaki ʻe he kakaí hoʻo ngaahi ngāue fakaofó.
2 ʻOkú ke folofola: “ʻI heʻeku fokotuʻu ha taimí,ʻOku ou fakamaau ʻi he totonu.
3 ʻI he movete ʻa e māmaní mo e kotoa ʻo hono kau nofo aí,Ko au ia naʻá ku ʻai ke tuʻu maʻu ʻa hono ngaahi poú.” (Sila)
4 ʻOku ou lea ki he kau hīkisiá, “ʻOua ʻe hīkisia,”
Pea ki he kau fulikivanú, “ʻOua ʻe hakeakiʻi homou mālohí.*
5 ʻOua ʻe hakeakiʻi ke māʻolunga homou mālohí*Pe lea ʻi he pōlepole.
6 He ʻoku ʻikai ke haʻu ʻa e hakeakiʻíMei he hahaké pe ko e hihifó pe ko e tongá.
7 He ko e ʻOtuá ʻa e Fakamāú.+
ʻOkú ne tuku hifo ha tangata ʻe taha, pea hakeakiʻi ha tangata ʻe taha.+
8 He ʻoku ʻi he nima ʻo Sihová ha ipu;+Ko e uaine ʻoku koa pea ʻoku ʻosi huʻi kakato.
Ko e moʻoni te ne lilingi ia,Pea ko e kau fulikivanu kotoa ʻi he māmaní te nau inu ia, ʻo aʻu ki he takelé.”+
9 Ka ko e meʻa kiate aú, te u fanongonongo ia ʻo taʻengata;Te u hiva fakahīkihiki* ki he ʻOtua ʻo Sēkopé.
10 He ʻokú ne folofola: “Te u tuʻusi ʻa e mālohi* kotoa ʻo e kau fulikivanú,Ka ko e mālohi* ʻo e māʻoniʻoní ʻe hakeakiʻi.”
Fakamatala ‘i Lalo
^ Fakafoʻilea, “meʻatuí.”
^ Fakafoʻilea, “meʻatuí.”
^ Pe “tā fasi.”
^ Fakafoʻilea, “ngaahi meʻatui.”
^ Fakafoʻilea, “ngaahi meʻatui.”
