Saame 76:1-12
Ki he pule hivá; ke ngāueʻaki ʻa e ngaahi meʻalea filo. Saame ʻa ʻĒsafe.+ Ko ha hiva.
76 ʻOku ʻiloa ʻa e ʻOtuá ʻi Siuta;+ʻOku lahi ʻa hono huafá ʻi ʻIsileli.+
2 ʻOku ʻi Sālema+ ʻa hono mālōlōʻangá,Pea ʻoku ʻi Saione ʻa hono ʻafioʻangá.+
3 Naʻá ne fesiʻi ai ʻa e ngaahi ngahau vela ʻo e kaufaná,ʻA e paá mo e heletaá pea mo e ngaahi meʻatau ki he taú.+ (Sila)
4 ʻOkú ke ulo ngingila;*ʻOkú ke fakangeingeia ange ʻi he ngaahi moʻunga ʻo e fanga manu fekaí.
5 Ko e kau loto-toʻá kuo faʻao fakamālohi ʻenau koloá.+
Kuo nau māʻumohe;Ko e kau tangata taú kotoa naʻe ʻikai hanau tokoni.+
6 ʻI hoʻo valokí, ʻe ʻOtua ʻo Sēkope,Kuo māʻumohe fakatouʻosi ai ʻa e tokotaha angi salioté pea mo e hōsí.+
7 Ko koe toko taha pē ʻa e manavahēʻiá.+
Ko hai ʻe lava ke ne matuʻuaki ʻa e lahi ʻo hoʻo houhaú?+
8 Naʻá ke fakahaaʻi ʻa e fakamaau mei langi;+Naʻe ilifia ʻa e māmaní pea naʻe sīlongo+
9 ʻI he mālanga hake ʻa e ʻOtuá ke fakahoko ʻene fakamāú,Ke fakahaofi ʻa e anga-vaivai kotoa ʻo e māmaní.+ (Sila)
10 He ko e ʻita ʻa e tangatá ʻe hoko ai ʻo fakahīkihikiʻi koe;+Ko e toenga ʻo ʻenau ʻitá te ke fakateungaʻaki koe.
11 Fai haʻo ngaahi fuakava kia Sihova ko ho ʻOtuá pea fakahoko ia,+Tuku ke ʻomi ʻe he faʻahinga kotoa ʻoku takatakai ʻiate iá ʻa ʻenau meʻaʻofá ʻi he manavahē.+
12 Te ne fakavaivaiʻi ʻa e pōlepole ʻa e* kau takí;ʻOkú ne langaʻi ʻa e manavahē ʻi he ngaahi tuʻi ʻo e māmaní.
