Siope 16:1-22
16 Naʻe tali ʻe Siope ʻo pehē:
2 “Kuó u fanongo ʻi he ngaahi meʻa lahi hangē ko ení ki muʻa.
Ko kimoutolu kotoa ko e kau fakafiemālie fakatupu mamahi!+
3 ʻE toe ngata ʻa e ngaahi lea maumau taimí?
Ko e hā ʻokú ne langaʻi koe ke ke fai ha tali pehení?
4 ʻE lava foki ke u fai ʻa e lea ʻoku mou faí.
Kapau naʻa mou ʻi hoku tuʻungá,ʻE lava ke u fai ha ngaahi lea fakatupu tuipau ʻo tukuakiʻi ʻaki kimoutoluPeá u kalokalo atu hoku ʻulú kiate kimoutolu.+
5 Ka neongo ia, te u fakaivimālohiʻi kimoutolu ʻaki ʻa e ngaahi lea ʻa hoku ngutú,Pea ko e fakanonga ʻa hoku loungutú te ne ʻoatu ʻa e fakafiemālie.+
6 Kapau te u lea, ʻoku ʻikai nonga ai hoku mamahí,+Pea kapau ʻe tuku ʻeku leá, ʻe holo fēfē ai hoku mamahí?
7 Ka ko eni kuó ne ʻai au ke u ongosia;+Kuó ne fakaʻauha ʻa hoku falé kotoa.*
8 ʻOkú ke puke foki au, pea kuo hoko ia ko e fakamoʻoni,Ko ia kuo hoko ai ʻa ʻeku tutué ni ko ha fakamoʻoni tamaki kiate au.
9 Ko ʻene houhaú kuó ne hae au ʻo kongokonga, pea ʻokú ne tukulotoa ʻa e tāufehiʻa kiate au.+
ʻOkú ne ʻūʻūnifo mai kiate au.
ʻOku māsila ʻa e hila mai kiate au ʻa e mata ʻo hoku filí.+
10 Kuo mātuʻaki fakamanga mai ʻa honau ngutú kiate au,+Pea kuo nau sipiʻi manuki ʻa hoku kouʻahé;ʻOku nau tuʻu tokolahi mai kiate au.+
11 ʻOku tuku ange atu au ʻe he ʻOtuá ki ha tamaiki tangata,Pea ʻokú ne fakapuna atu au ki he nima ʻo e kau fulikivanú.+
12 Naʻá ku nofo nonga, ka naʻá ne haveki au;+Naʻá ne puke au ʻi hoku tuʻakiá ʻo ne laiki au;Peá ne fokotuʻu leva au ko ʻene tāketi.
13 ʻOku takatakai kiate au ʻa ʻene kau fana ngahaú;+ʻOkú ne hokaʻi ʻa hoku kofuuá+ ʻo ʻikai ha ongoʻi manavaʻofa;ʻOkú ne lilingi atu hoku ʻahú ki he kelekelé.
14 ʻOkú ne toutou avangi au ʻo hangē ha ʻaá;ʻOkú ne ʻohofi au ʻo hangē ha pāteʻi taú.
15 Kuó u tuitui tauangaʻa ke ʻufiʻufiʻaki hoku kilí,+Pea kuó u tanu hoku ngeiá* ʻi he efú.+
16 ʻOku kula hoku matá ʻi he tangí,+Pea ʻoku ʻi hoku laumatá ʻa e fakapoʻuli,*
17 Neongo kuo ʻikai fai ʻe hoku nimá ha fakamālohiPea ʻoku maʻa ʻa ʻeku lotú.
18 ʻE kelekele, ʻoua te ke ʻufiʻufi hoku totó!+
Pea ʻai ke ʻoua naʻa ʻi ai ha mālōlōʻanga ki heʻeku tangí!
19 Naʻa mo e taimí ni, ʻoku ʻi langi ʻa ʻeku fakamoʻoní;Ko e tokotaha ʻe lava ke ne faifakamoʻoni maʻakú ʻokú ne ʻi he taukakapá.
20 ʻOku manukiʻi au ʻe hoku ngaahi kaungāmeʻá+Lolotonga ʻeku tangi-ʻa-loʻimata* ki he ʻOtuá.+
21 Tuku ki ha taha ke faifakamaau ʻi he vahaʻa ʻo ha tangata mo e ʻOtuá,ʻO hangē ko e faifakamaau ʻa ha taha ʻi he vahaʻa ʻo ha tangata mo ha taha kehe.+
22 He ko e ngaahi taʻu siʻi pē ʻoku toe ke hoko maí,Pea te u ʻalu atu ʻi he hala ʻo e ʻikai toe foki maí.+
Fakamatala ‘i Lalo
^ Pe “ʻa e faʻahinga ʻoku fakatahataha mo aú.”
^ Pe “mālohí.” Fakafoʻilea, “meʻatuí.”
^ Pe “ʻata ʻo maté.”
^ Pe ngalingali, “hā taʻemamohe.”
