Siope 31:1-40
31 “Kuó u fai ha fuakava mo hoku matá.+
Ko ia ʻe lava fēfē ke u fakahaaʻi ha tokanga taʻetotonu ki ha fefine kehe?+
2 Ko e hā leva hoku ʻinasi mei he ʻOtua ʻi ʻolungá,Ko e hā ha tofiʻa mei he Māfimafi-Aoniu ʻi ʻolungá?
3 ʻIkai ʻoku fakatatali mai ʻa e fakatamakí ki he tokotaha faihaláMo e faingataʻá ki he faʻahinga ʻoku nau fai ʻa e meʻa ʻoku koví?+
4 ʻIkai ʻokú ne ʻafioʻi ʻa hoku ngaahi halá+Mo lau ʻa e kotoa ʻo ʻeku ngaahi laká?
5 Kuo faifai ange peá u ʻaʻeva ʻi he loí?*
Kuo fakavave ʻa hoku vaʻé ke fai ha kākā?+
6 Tuku ke fua au ʻe he ʻOtuá ʻi ha meʻafua totonu;+Pea te ne ʻiloʻi ʻa ʻeku anga-tonú.+
7 Kapau kuo hē ʻeku ngaahi laká mei he halá+Pe muimui ʻa hoku lotó ki hoku matá+Pe kuo ʻuliʻi ʻa hoku nimá,
8 Tuku ke u tūtuuʻi ʻe au ʻa e tengá kae kai+ ʻe ha taha kehe,Pea tuku ke taʻakifuʻu ʻa e meʻa ʻoku ou toó.*
9 Kapau kuo fakataueleʻi ʻe ha fefine+ ʻa hoku lotóPeá u toi ʻo tatali+ ʻi he matapā ʻo hoku kaungāʻapí,
10 Tuku ke momosi uite ʻa hoku uaifí ki ha tangata kehe,Pea tuku ke mohe* mo ia ha kau tangata kehe.*+
11 He ko ha tōʻonga fakamā ia,Ko ha faihala ʻoku tuha ke tautea ʻe he kau fakamāú.+
12 Ko ha afi ia ʻokú ne keina mo fakaʻauha,*+ʻO ne keina ʻo aʻu ki he ngaahi aka ʻo e* fua kotoa ʻoku ou maʻú.
13 Kapau te u fakataleʻi ʻa e fakamaau totonú mei heʻeku kau tamaioʻeikí mo ʻeku kau kaunangáʻI haʻanau lāunga* fekauʻaki mo au,
14 Ko e hā te u faí ʻi haʻaku fehangahangai mo e* ʻOtuá?
Ko e hā haʻaku tali ʻe fai kiate ia ʻi haʻane ui au ke u fai ha fakamatalá?+
15 ʻIkai ko e Tokotaha naʻá ne ngaohi au ʻi he manavá naʻá ne ngaohi foki mo kinautolu?+
ʻIkai ko e Tokotaha tatau pē ia naʻá ne faʻu kimautolu ki muʻa ʻi homau fanauʻí?*+
16 Kapau naʻá ku fakafisi ke foaki ki he masivá ʻa e meʻa naʻa nau fiemaʻú+Pe fakatupunga ke mole ʻa e ʻamanakí mei he mata ʻo e uitoú;+
17 Kapau naʻá ku kai toko taha pē ʻeku konga meʻakaíʻO ʻikai te u vahevahe ia mo e kau paeá;+
18 (He naʻá ku tupu fakataha hake mo e paeá talu mei heʻeku kei siʻí ʻo hangē naʻá ku hoko ko haʻane tamaí,Pea naʻá ku hoko ko ha tataki maʻá e uitoú talu mei heʻeku kei siʻí.*)
19 Kapau naʻá ku sio ki ha taha naʻe mei mate ʻi he momokó koeʻuhi ko e masiva kofuPe ko ha tangata masiva naʻe ʻikai hano kafu;+
20 Kapau naʻe ʻikai te ne faitāpuekina au+ʻI heʻene māfana ʻi he fulufuluʻisipi mei heʻeku sipí;
21 Kapau naʻá ku fakaene atu hoku tuké ki he paeá+ʻI heʻene fiemaʻu ʻeku tokoní ʻi he matapā ʻo e koló;*+
22 Tuku ke homo hifo hoku nimá mei hoku umá,Pea tuku ke motu ʻa hoku nimá ʻi he tuiʻinimá.*
23 He naʻá ku manavasiʻi telia ha fakatamaki mei he ʻOtuá,Pea heʻikai lava ke u tuʻu ʻi he ʻao ʻo hono ngeiá.
24 Kapau naʻe tuʻu ʻeku falalá ʻi he kouláPe lea ki he koula leleí, ‘Ko koe ʻa hoku maluʻangá!’+
25 Kapau naʻá ku maʻu ʻeku fiefiá ʻi he lahi ʻeku koloá+Koeʻuhí ko e ngaahi koloa lahi naʻá ku maʻú;+
26 Kapau naʻá ku sio ki he ulo mai ʻa e laʻaá*Pe ko e ngaʻunu ʻa e māhiná ʻi hono lāngilangí;+
27 Pea fakataueleʻi fakafufū ai ʻa hoku lotó,Peá u ʻuma ki hoku nimá ʻi he lotu kiate kinaua;+
28 ʻE hoko ia ko ha faihala ʻoku tuha mo e tautea ʻe he kau fakamāú,He ʻe ʻuhinga iá kuó u fakaʻikaiʻi ai ʻa e ʻOtua moʻoni ʻi ʻolungá.
29 Kuo faifai ange peá u fiefia ʻi hono fakaʻauha ʻa hoku filí+Pe hākahaka koeʻuhi ko e kovi kuo tō kiate iá?
30 Kuo ʻikai ʻaupito te u fakaʻatā hoku ngutú ke faiangahalaʻI haʻaku fuakava+ ʻo kole ke toʻo ʻene moʻuí.
31 ʻIkai kuo pehē ʻe he kau tangata ʻi hoku tēnití,‘Ko hai ʻe lava ke ne ʻilo ha taha kuo ʻikai mākona ia ʻi heʻene meʻakaí?’*+
32 Naʻe ʻikai ha sola* ʻe mohe ʻi tuʻa;+Naʻá ku fakaava ʻa hoku ngaahi matapaá ki he tokotaha fonongá.
33 Kuo faifai ange peá u feinga ke ʻufiʻufi ʻeku ngaahi laka halá, ʻo hangē ko e kau tangata kehé,+ʻAki ʻeku fufū ʻeku faihalá ʻi he kato ʻo hoku kofú?
34 Kuó u manavahē koā ki he anga ʻo e fakafeangai mai ʻa ha fuʻu kakai,Pe kuó u ilifia ki ha manuki mai ʻa e ngaahi fāmili kehé,ʻO ne ʻai au ke u sīlongo mo ilifia ke hū ki tuʻa?
35 Pehē ange mai naʻe fanongo mai ha taha kiate au!+
Te u fakamoʻoni hingoa ki he meʻa kuó u leaʻakí.*
Tuku ki he Māfimafi-Aoniú ke ne fai mai ha tali kiate au!+
Pehē ange mai naʻe hiki ʻe hoku tokotaha talatalaakí ʻa e ngaahi tukuakiʻí ʻi ha tohi!
36 Te u fua ia ʻi hoku umá,Pea te u haʻi takai ia ʻi hoku ʻulú ʻo hangē ha kalauní.
37 Te u ʻoange kiate ia ha fakamatala ki he laka kotoa pē naʻá ku faí;Te u fakaofiofi atu kiate ia ʻi he loto-maʻu, ʻo hangē ha ʻeikí.
38 Kapau kuo tangi ʻa hoku kelekelé tonu ʻi he lāunga koeʻuhi ko auPea fetāngihi fakataha ʻa hono ngaahi ʻotu ne palaú;
39 Kapau naʻá ku kai ʻa hono fuá ʻo ʻikai ha totongi,+Pe fakatupunga ʻa e faʻahinga ʻoku ʻonautolu iá ke nau loto-mamahi;+
40 Tuku ke tupu mai maʻaku ʻa e ʻakau talatalá kae ʻikai ko e uiteMo e vao namukuú kae ʻikai ko e paʻale.”
Ko e ngataʻanga eni ʻo e ngaahi lea ʻa Siopé.
Fakamatala ‘i Lalo
^ Pe ngalingali, “fakataha mo e kau tangata loí?”
^ Pe “tuku ke taʻakifuʻu ʻa hoku hakó.”
^ Fakafoʻilea, “tuku ke tūʻulutui hifo ʻiate ia ha kau tangata kehe.”
^ Pe “fehokotaki fakasino.”
^ Fakafoʻilea, “kai (keina) ke ʻauhamālie.”
^ Pe “taʻakifuʻu ʻa e.”
^ Pe “meʻa fakalao.”
^ Fakafoʻilea, “ʻi ha tuʻu hake ʻa e.”
^ Fakafoʻilea, “ʻi he manavá.”
^ Fakafoʻilea, “mei he manava ʻo ʻeku faʻeé.”
^ Pe ngalingali, “ʻI heʻeku sio naʻe ʻi ai ha poupou kiate au ʻi he matapā ʻo e koló.”
^ Pe “mei hono hokotangá; mei hono hui ʻolungá.”
^ Fakafoʻilea, “māmá.”
^ Fakafoʻilea, “kakanoʻi-manú.”
^ Pe “muli.”
^ Pe “Ko ʻeku fakamoʻoni hingoá eni.”
