Siope 33:1-33
33 “Ka ko eni, ʻe Siope, fanongo mai muʻa ki heʻeku ngaahi leá;Fanongo mai ki he meʻa kotoa te u leaʻakí.
2 Vakai mai muʻa! Kuo pau ke u fakaava hoku ngutú;Kuo pau ke lea hoku ʻeleló.*
3 ʻOku fakahaaʻi ʻe heʻeku ngaahi leá ʻa e totonu ʻo hoku lotó,+Pea ʻoku tala totonu ʻe hoku loungutú ʻa e meʻa ʻoku ou ʻiló.
4 Ko e laumālie ʻo e ʻOtuá tonu naʻá ne ngaohi aú,+Pea ko e mānava ʻa e Māfimafi-Aoniú tonu naʻá ne ʻomai kiate au ʻa e moʻuí.+
5 Fai mai ha tali kiate au kapau ʻokú ke lava;Fakahaaʻi mai hoʻo ngaahi fakaʻuhingá ʻi hoku ʻaó; tuʻu mateuteu mai.
6 Vakai! ʻOku ou hangē tofu pē ko koé ʻi he ʻao ʻo e ʻOtua moʻoní;Naʻe fakafuo foki mo au mei he ʻumeá.+
7 Ko ia ʻoku ʻikai totonu ke fakamanavaheeʻi koe ʻe he ilifia kiate aú,Pea ʻoku ʻikai totonu ke lōmekina koe ʻe he mamafa ʻo ʻeku leá.
8 Ka naʻá ke lea ʻo u fanongo ki ai,ʻIo, naʻá ku toutou fanongo ki he ngaahi leá ni,
9 ‘ʻOku ou haohaoa, ʻo ʻikai ha laka hala;+ʻOku ou maʻa, ʻo ʻikai ha faihala.+
10 Ka ʻoku maʻu ʻe he ʻOtuá ha ngaahi ʻuhinga ke fakafepakiʻi ʻaki au;ʻOkú ne lau au ko hono fili.+
11 ʻOkú ne ʻai hoku vaʻé ki he ʻakau-kīʻí;ʻOkú ne sivi fakalautelau ʻa hoku ngaahi ʻalungá kotoa.’+
12 Ka ʻoku ʻikai totonu ʻa hoʻo lea ko iá, ko ia te u fai atu ha tali kiate koe:
ʻOku lahi mamaʻo ange ʻa e ʻOtuá ʻi he tangata ko e meʻa noa peé.+
13 Ko e hā ʻokú ke lāunga ai kiate Iá?+
ʻOku ʻuhinga iá ko e ʻikai te ne tali mai ʻa e kotoa ʻo hoʻo ngaahi leá?+
14 He ʻoku folofola mai ʻa e ʻOtuá, ʻo tuʻo taha pea tuʻo ua,Ka ʻoku ʻikai ha taha ʻe tokanga ki ai,
15 ʻI ha misi, ʻi ha vīsone ʻi he poʻulí,+ʻI he taimi ʻoku tō ai ʻa e kakaí ʻo māʻumohéLolotonga ʻenau mohe ʻi honau mohengá.
16 Ko e taimi ko iá ʻokú ne fakaava honau telingá+Peá ne fakamaʻu* ʻene fakahinohinó kiate kinautolu,
17 Ke fakatafokiʻi ha tokotaha mei he faihalá+Pea ke maluʻi ha tangata mei he pōlepolé.+
18 ʻOku fakahaofi ʻe he ʻOtuá ʻa ʻene moʻuí mei he luó,*+ʻA ʻene moʻuí mei he ʻauha ʻi he heletaá.*
19 ʻOku valokiʻi foki ʻe he mamahí ha tokotaha ʻi hono mohengáPea mo e ngaahi mamahi hokohoko ʻo hono ngaahi huí,
20 Ko ia ʻoku fakaliliʻa ai ʻa ʻene moʻuí ʻi he maá,Pea aʻu ʻo ne fehiʻa ʻi he meʻakai leleí.+
21 ʻOku ʻauʻauha hono kakanó ʻo ʻikai toe ʻiloa,Pea kuo ʻasi* mai leva hono ngaahi huí, ʻa e ngaahi hui naʻe ʻikai ke hā maí.
22 ʻOku fakaofiofi atu ʻene moʻuí ki he luó;*ʻA ʻene moʻuí ki he faʻahinga ʻoku nau ʻomi ʻa e maté.
23 Kapau ʻoku ʻi ai ha tokotaha talafekau* kiate ia,Ha tokotaha taukapo ʻe toko taha mei ha toko afe,Ke tala ki he tangatá ʻa e meʻa ʻoku totonú,
24 ʻE toki fakahā ʻe he ʻOtuá ʻa e hōifuá kiate ia ʻo pehē,‘Fakahaofi ia mei he ʻalu hifo ki he luó!*+
Kuó u maʻu ha huhuʻi!+
25 Tuku ke hoko ʻa hono kakanó ʻo foʻou ange* ia ʻi he taimi ʻo ʻene kei talavoú;+Tuku ke ne toe foki ki he ngaahi ʻaho ʻo hono mālohi fakatalavoú.’+
26 Te ne tautapa ki he ʻOtuá,+ ʻa ia te ne tali ia,Pea te ne sio ki Hono fofongá fakataha mo e kaila fiefia,Pea te Ne fakafoki ʻEne māʻoniʻoní ki he tangata ko e meʻa noa peé.
27 ʻE toki fakahā* ʻe he tokotaha ko iá ki he kakaí,‘Kuó u faiangahala+ mo pikoʻi ʻa e meʻa ʻoku totonú,Ka naʻe ʻikai fai kiate au ʻa e meʻa naʻe tuha mo aú.*
28 Kuó ne huhuʻi ʻeku moʻuí mei he ʻalu hifo ki he luó,*+Pea ko ʻeku moʻuí ʻe sio ki he māmá.’
29 Ko hono moʻoní, ko e ngaahi meʻá ni kotoa ʻoku fakahoko ia ʻe he ʻOtuáʻO tuʻo ua, mo tuʻo tolu ki ha tangata,
30 Ke fakafoki mai ia mei he luó,*Koeʻuhí ke fakamaama ia ʻaki ʻa e maama ʻo e moʻuí.+
31 Tokanga mai, ʻe Siope! Fanongo mai kiate au!
Fakalongolongo pē, kae hoko atu ʻeku leá.
32 Kapau ʻoku ʻi ai ha meʻa ke ke lea ki ai, lea mai kiate au.
Lea mai, he ʻoku ou loto ke fakamoʻoniʻi ʻa hoʻo totonú.
33 Pea kapau ʻoku ʻikai ha meʻa ke ke lea ki ai, ʻoku totonu ke ke fanongo mai kiate au;Fakalongolongo pē, pea te u akoʻi ʻa e potó kiate koe.”
Fakamatala ‘i Lalo
^ Fakafoʻilea, “hoku ʻeleló mo hoku ʻaoʻingutú.”
^ Fakafoʻilea, “silaʻi.”
^ Pe “meʻataú (tao).”
^ Pe “faʻitoká.”
^ Pe “tekeutua.”
^ Pe “faʻitoká.”
^ Pe “ʻāngelo.”
^ Pe “faʻitoká.”
^ Pe “moʻui lelei ange.”
^ Fakafoʻilea, “hiva.”
^ Pe ngalingali, “Pea naʻe ʻikai ʻaonga ia kiate au.”
^ Pe “faʻitoká.”
^ Pe “faʻitoká.”
