Siope 41:1-34
-
Fakamatalaʻi ʻe he ʻOtuá ʻa e fakaofo ʻa e Levaiataní (1-34)
41 “ʻE lava ke ke puke ʻa Levaiatani*+ ʻaki ha mātaʻuPe haʻi ʻa hono ngutú ʻaki ha maea?
2 ʻE lava ke ke fakahū ha maea* ʻi hono avaʻi ihúPe tui hono kaungaó ʻaki ha mātaʻu?*
3 Te ne fai atu ha ngaahi tautapa kiate koe,Pe lea fakaalaala atu kiate koe?
4 Te ne fai ha fuakava mo koe,Ke ke ʻai ai ia ko hoʻo pōpula ki he mate?
5 Te ke vaʻinga mo ia hangē ko ha manupunáPe noʻo hano leta takitaki maʻa hoʻo tamaiki fefiné?
6 ʻE tālangaʻi koā ʻe he kau fefakatauʻakí ʻa hono mahuʻingá?
Te nau vahe ʻinasi ia ki he kau mēsianití?
7 Te ke hoka hono kilí ʻaki ha ngaahi tao+Pe ko hono ʻulú ʻaki ha ngaahi tao fāngota?
8 Ala atu ho nimá ki ai;Te ke manatuʻi hoʻo faitau mo iá pea heʻikai ʻaupito te ke toe fai pehē!
9 Ko ha ʻamanaki pē ki hano ikuʻi ia ko e koto launoa.
ʻE lōmekina koe* ʻi he sio atu pē ki aí.
10 ʻOku ʻikai ha taha ʻe fakatoʻotoʻa ke ne ueʻi ia ke ʻita.
Ko ia ko hai ʻe lava ke tuʻu mai kiate aú?+
11 Ko hai kuó ne ʻuluaki foaki mai ha meʻa kiate au ke u fai ai ha totongi kiate ia?+
ʻIlonga ha meʻa ʻoku ʻi he lalo langí ʻoku ʻaʻaku ia.+
12 Heʻikai te u fakalongolongo ʻi he fekauʻaki mo hono ngaahi kupú,Fekauʻaki mo hono mālohí mo hono sino matamataleleí.
13 Ko hai kuó ne toʻo ʻa hono kofu tuʻá?
Ko hai ʻe hū ki loto ʻi he fakamanga hono ongo kaungaó?
14 Ko hai ʻe fāinga ke ne fakaava ʻa e matapā ʻo hono ngutú?*
ʻOku fakamanavahē ʻa e tuʻu takatakai ʻa hono ngaahi nifó.
15 Ko hono tuʻá ʻoku fakaʻotu ai ʻa e ngaahi ʻuno*ʻOku fepikitaki fakataha.
16 ʻOku mātuʻaki fehokotaki ʻa e taha ko ē mo ēʻO ʻikai lava ai ke hū ha ʻea ʻi honau vahaʻá.
17 ʻOku nau fepikitaki;ʻOku nau pipiki fakataha ʻo ʻikai lava ke fakamavahevaheʻi.
18 Ko ʻene māfulú ʻoku tapa mei ai ha maama,Pea ko hono matá ʻoku hangē ko e ngaahi huelo ʻo e mafoa ʻa e atá.
19 ʻOku tapa ʻa e ʻuhila mei hono ngutú;ʻOku mofisi mei ai ʻa e afi.
20 ʻOku haʻu ʻa e kohu mei hono avaʻi ihú,Hangē ha fōnise ʻoku tafuʻaki ha kutá.
21 Ko ʻene mānavá ʻoku ulo ai ʻa e malalá,Pea ʻoku haʻu ha uloʻi afi mei hono ngutú.
22 ʻOku ʻi ai ha fuʻu mālohi ʻi hono kiá,Pea ʻoku lele ʻi hono ʻaó ʻa ia ʻoku manavaheé.
23 Ko e kili ʻo hono keté ʻoku mālohi;ʻOku fefeka, ʻo hangē ha ukamea haká pea ʻoku ʻikai lava ke ueʻi.
24 Ko hono mafú ʻoku fefeka hangē ha maká,ʻIo, ʻoku fefeka hangē ha maka momosi tokalaló.
25 ʻI heʻene mālanga haké, naʻa mo e kau toʻá ʻoku nau manavahē;Ko ʻene fute takai holó ʻoku fakaleleloto.
26 Heʻikai ikuna ha heletā ʻe aʻu ki ai;Pe ko ha tao, meʻa mata māsila, pe mataʻi-ngahau.+
27 ʻOkú ne vakai ki he ukameá ko ha kauʻi uite,Ki he kopá ko ha vaʻakau popo.
28 ʻOku ʻikai lava ʻe ha ngahau ke ʻai ia ke ne hola;ʻOku hoko ʻa e ngaahi makataá ia ko ha mohuku ʻi heʻene tau kiate iá.
29 ʻOkú ne vakai ki he pōvaí ko ha mohuku,Pea ʻokú ne kata ʻi he fakaene atu ʻo ha taó.
30 Ko hono konga ki laló, ʻoku hangē ha ngaahi mapakipakiʻi ipu ʻumea māsilá;ʻOku ʻilonga ʻa ʻene ngaʻunu holo ʻi he pelepelá hangē ha papa ʻauʻau uité.+
31 ʻOkú ne ʻai ke lililili ʻa e lolotó hangē ha kuló;ʻOkú ne ueʻi mālohi ʻa e tahí hangē ha kulo loló.
32 Ko e kaupeau ʻi hono halá ʻoku hinapaki.
ʻE fakakaukau ai ha taha ʻoku ʻulu hinā ʻa e lolotó.
33 ʻOku ʻikai ha meʻa ʻe hangē ko iá ʻi he māmaní,Ko ha meʻamoʻui naʻe ngaohi ke taʻemanavahē.
34 ʻOkú ne mata ʻita ki he meʻa kotoa pē ʻoku pōlepolé.
Ko e tuʻi ia ʻo e fanga manu fekai fakalaukau kotoa pē.”
Fakamatala ‘i Lalo
^ Ngalingali ko e kalokataile.
^ Fakafoʻilea, “kuta.”
^ Fakafoʻilea, “talaʻiʻakau.”
^ Pe “ʻai koe ke ke tō ki lalo.”
^ Fakafoʻilea, “fofongá.”
^ Pe ngalingali, “ʻOkú ne laukauʻaki ʻa hono ngaahi ʻotu ʻunó.”
