Siope 8:1-22
8 Naʻe tali leva ʻa Pilitati+ ko e hako ʻo Suaʻá+ ʻo pehē:
2 “ʻE tuku ʻafē hoʻo hanganaki lea pehení?+
Ko e ngaahi lea ʻa ho ngutú ko ha matangi mālohi!
3 ʻE pikoʻi koā ʻe he ʻOtuá ʻa e fakamaau totonú,Pe ʻe pikoʻi koā ʻe he Māfimafi-Aoniú ʻa e māʻoniʻoní?
4 Kapau naʻe faiangahala ho ngaahi fohá kiate ia,Naʻá ne tuku kinautolu ke tauteaʻi ko ʻenau angatuʻú;
5 Ka ʻo kapau naʻá ke hanga pē ā ki he ʻOtuá,+Pea kōlenga ki he Māfimafi-Aoniú ki ha hōifua,
6 Pea kapau moʻoni naʻá ke maʻa mo faitotonu,+Te ne tokanga kiate koe*Pea toe fakafoki koe ki ho tuʻunga totonú.
7 Pea neongo ko ho kamataʻangá naʻe siʻisiʻi,Ko ho kahaʻú ʻe lahi.+
8 ʻEke muʻa ki he toʻutangata ki muʻá,Pea tokanga ki he ngaahi meʻa naʻe ʻilo ʻe heʻenau ngaahi tamaí.+
9 He naʻe toki fanauʻi pē kitautolu ʻaneafi, pea ʻoku ʻikai ke tau ʻilo ha meʻa ʻe taha,Koeʻuhi ko hotau ngaahi ʻaho ʻi he māmaní ko ha ʻata pē.
10 ʻIkai te nau fakahinohinoʻi koePea tala atu kiate koe ʻa e meʻa ʻoku nau ʻiló?*
11 ʻE tupu koā ha fuʻu pepailo* ʻo fuʻu lahi ʻi ha feituʻu ʻoku ʻikai ha ano?
ʻE tupu koā ha kaho ʻo fuʻu lahi taʻeʻiai ha vai?
12 Lolotonga ʻene kei motó, ʻo teʻeki ai ke tutuʻú,ʻE tomuʻa mōmoa ia ʻi ha ʻakau kehe pē.
13 Ko e ikuʻanga* eni ʻo e faʻahinga kotoa ko ē ʻoku nau fakangaloʻi ʻa e ʻOtuá,He ko e ʻamanaki ʻa e tokotaha anga-taʻefakaʻotuá* ʻe ʻauha,
14 ʻA ia ko e meʻa ʻokú ne falala ki aí ko e koto muna pēPea ko e meʻa ʻokú ne falala ki aí ʻoku ngāvaivai hangē ha matamatakupenga* ʻo e hiná.
15 Te ne falala atu ki hono falé, ka ʻe ʻikai ke kei tuʻu ia;Te ne feinga ke piki ki ai, ka ʻe ʻikai ke tuʻu maʻu ia.
16 Ko ha fuʻu ʻakau hauhau ia ʻi he ulo ʻa e laʻaá,Pea ko hono ngaahi hulí ʻoku mafola atu ʻi he ngoué.+
17 ʻOku hoko ʻo takatakai hono ngaahi aká ʻi ha fokotuʻunga maka;ʻOkú ne fakasio ki ha fale ʻi he ngaahi maká.*
18 Ka ʻi he taimi ʻoku taʻaki ai ia mei hono feituʻú,ʻE fakaʻikaiʻi ia ʻe he feituʻu ko iá ʻo pehē, ‘Kuo teʻeki ai ʻaupito te u sio ʻiate koe.’+
19 ʻIo, ko e anga ia ʻo ʻene puli atú;+ʻE tupu hake leva ʻa e ngaahi ʻakau kehe mei he efú.
20 Ko hono moʻoní heʻikai siʻaki ʻe he ʻOtuá ʻa e faʻahinga ko ia ʻoku tauhi anga-tonú;*Pea heʻikai te ne poupou ki he* kau tangata koví,
21 He te ne toki fakafonu ho ngutú ʻaki ʻa e kataPea mo ho loungutú ʻaki ʻa e kaikaila fiefia.
22 Ko e faʻahinga ʻoku fehiʻa ʻiate koé ʻe fakakofu kinautolu ʻaki ʻa e mā,Pea ko e tēniti ʻo e kau fulikivanú ʻe ʻikai ke toe ʻi ai.”
Fakamatala ‘i Lalo
^ Pe “tuʻu hake maʻau.”
^ Fakafoʻilea, “Pea ʻomi ha ngaahi lea mei honau lotó?”
^ Sio ki he Lea mo Hono ʻUhinga.
^ Fakafoʻilea, “Ko e ngaahi ʻalunga.”
^ Pe “ʻa e tokotaha tafoki ʻo fakafepaki ki he moʻoní.”
^ Fakafoʻilea, “fale.”
^ Pe “ʻOkú ne fakasio ki ha fale maka.”
^ Pe “ʻoku taʻemelé.”
^ Fakafoʻilea, “puke ʻa e nima ʻo e.”
