Ko e Tohi Tapú ʻoku ʻi ai ʻa e pōpoaki, pe folofola ʻa e ʻOtuá kiate kitautolu ʻi he ʻaho ní. ʻOku fakahā mai ai ʻa e founga ke tau maʻu ai ha moʻui lavameʻa mo e founga ke maʻu ai ʻa e hōifua ʻa e ʻOtuá. ʻOkú ne tali foki ʻa e ngaahi fehuʻi ko ʻení:

Ko e Tohi Tapú ko hano fakatahatahaʻi ia ʻo e tohi iiki ʻe 66. ʻOku vahevahe ia ki he konga ʻe ua: Ko e Ngaahi Konga Tohi Tapu Faka-Hepelū mo Faka-Alamea (“Fuakava Motuʻa”) pea mo e Ngaahi Konga Tohi Tapu Faka-Kalisi (“Fuakava Foʻou”). Ko e tohi taki taha ʻi he Tohi Tapú ʻoku vahevahe ia ki he ngaahi vahe mo e ngaahi veesi. ʻI he taimi ʻoku fakahaaʻi mai ai ha konga Tohi Tapu, ko e ʻuluaki mataʻifika ʻi he hili ʻa e hingoa ʻo e tohí ʻokú ne fakahaaʻi ʻa e vahé, pea ko e mataʻifika pe ngaahi mataʻifika hokó ʻoku ʻuhinga ia ki he vēsí pe ko e ngaahi vēsí. Ko e fakatātaá, ko e Sēnesi 1:1 ʻoku ʻuhinga ia ki he Sēnesi vahe 1, veesi 1.