Kuo fanongonongo ʻe he Kulupu Pule ʻo e Kau Fakamoʻoni ʻa Sihová kuo nau fili ha ngaahi vaʻa pau ke nau kamata ʻa hono fakahoko ʻa e ngaahi fakatahá ʻi honau fale fakatahaʻangá. ʻE fili ʻe he ngaahi vaʻa ko iá ʻa e ngaahi Fale Fakatahaʻanga ʻi he feituʻu ʻoku meimei kakato ai ʻa e huhu maluʻí pea siʻisiʻi hono uesia ʻe he vailasí. Ko hono moʻoní, ko e tafaʻaki kotoa ʻo e ngāue ko ení ʻe fakahoko ia ʻo fehoanaki mo e ngaahi lao fakapuleʻanga ʻo e feituʻu ko iá ki he tokolahi ʻo e fakatahataha ʻi lotó. Ko e fanongonongó naʻe lau ia ki he ngaahi fāmili Pēteli ʻi māmani lahí ʻi he ʻaho Falaite ʻo ʻOkatopa 15, 2021.

Ko e ola ʻo e fokotuʻutuʻu ko ení ʻe mahino mei ai ʻa hono fakaʻatā ha toe ngaahi fakatahaʻanga ke nau toe foki ʻo fakataha ʻi he Fale Fakatahaʻangá. Naʻe toe lave foki ʻi he fanongonongó, ko e lahi taha ʻa e ngaahi ngāue kehekehe ʻa e kautahá ʻe fakatatali ia ki he ʻaho 1 ʻo Sanuali 2022 pe ki mui ai.

ʻOku tau houngaʻia lahi ki he tokanga ʻa e Kulupu Pulé ki he fetokouaʻaki ʻi māmani lahí mo ʻenau fili fakapotopoto ke toe hoko atu ʻa e ngaahi ngāue ʻa e kautahá. Kātaki ʻo lotu kia Sihova ke hokohoko atu ʻene tataki pea tāpuakiʻi ʻa e ngaahi fokotuʻutuʻu ko ení.​—Palōveepi 14:16.