JW LIBRARY
Seti mo Maʻu ha Bookmarks—Android
Ko e bookmarks ʻi he JW Library ʻoku lava ai ke ke fakaʻilongaʻi ha faʻahinga tohi, ʻo hangē ko haʻo ngāueʻaki ha kiʻi līpine ke fakaʻilongaʻi ha tohi. Ko e tohi taki taha ʻi he JW Library ʻoku ʻi ai hono bookmark ʻe 10.
Muimui ʻi he fakahinohino ki hono ngāueʻaki ʻa e bookmarks:
Fokotuʻu ha Bookmark Foʻou
ʻE lava ke ke fakaʻilongaʻi ha kupu pe vahe, pe fakaʻilongaʻi ha palakalafi pe veesi Tohi Tapu pau.
Ke fakaʻilongaʻi ha kupu pe vahe, lomi ʻi he Bookmark. ʻOku ʻasi mai ha lisi, ʻo fakahaaʻi ai ʻa e fakaʻilongatohi ki he tohi ko iá. Lomi ha bookmark foʻou ke fakaʻilongaʻiʻaki ha kupu pe vahe ko iá.
Ke fakaʻilongaʻi ha palakalafi pe veesi Tohi Tapu pau, ʻuluaki lomi ʻi he fakamatalá, lomi leva ʻi he Bookmark ʻi he meniū ʻo e potutohí.
ʻAlu ki ha Bookmark
Ke ʻalu ki ha bookmark, fakaava ʻa e tohi ʻoku ʻi ai ʻa e bookmark, lomi leva ʻi he Bookmark. Lomi ʻa e bookmark ʻokú ke loto ke sio ki aí.
Ngāueʻaki Hoʻo Bookmarks
ʻI hono fokotuʻu pē ha bookmark, ʻe lava ke ke delete pe fetongi ia.
Ke delete ha bookmark, lomi ʻi he Bookmark, lomi leva ʻa e More ʻa ia ʻoku hoko atu ki he bookmark ʻokú ke loto ke delete. Lomi ʻi he Delete.
Ke fetongi ha bookmark, lomi ʻi he Bookmark, lomi leva ʻi he More ʻa ia ʻoku hoko atu ki he bookmark ʻokú ke loto ke fetongí. Lomi ʻi he Replace. ʻOku fetongi leva hoʻo bookmark. ʻE lava ke ʻaonga eni ʻi hano fakaʻataʻatā ki ha tohi ʻokú ke lau. Ko e fakatātaá, ʻe lava ke ke muimuiʻi ai ʻi hoʻo lau Tohi Tapu fakaʻahó.
Naʻe tukuange atu ʻa e konga ko ʻení ʻi Mē 2014 ʻi he JW Library 1.2, ʻa ia ʻoku feʻungamālie ki he Android 2.3 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—Android,” ʻi he Ko Hono Maʻu ʻa e Konga Fakamuimui Tahá.
