JW LIBRARY
Fekumi ʻi ha Tohi Tapu pe Tohi—Android
Ko e fekumi ʻi he JW Library ʻoku ʻai ai ke ke maʻu ha foʻi lea pe kupuʻi lea ʻi ha Tohi Tapu pe tohi.
Muimui ʻi he fakahinohino ki he fekumí:
Fekumi ʻi ha Tohi Tapu
ʻE lava ke ke fekumi ki ha foʻi lea pe ko ha kupuʻi lea ʻi he Tohi Tapu ʻokú ke lolotonga laú.
Lolotonga hoʻo sio he Tohi Tapú, lomi ʻi he Search, kamata taipeʻi leva ʻa e foʻi lea ʻokú ke fiemaʻu ke kumí. ʻI hoʻo taipeʻi iá, te ke sio ai ki he ngaahi fokotuʻú. Lomi ʻi ha fokotuʻu, pe lomi ʻi he Enter, ke sio ki he olá.
ʻI he Top Verses, ʻoku ʻasi ai ʻa e ngaahi veesi ʻokú ke toutou ngāueʻakí ʻa ia ʻoku feʻungamālie mo hoʻo fekumí. ʻI he All Verses, ʻoku ʻasi mai ai ʻa e ngaahi veesi ʻoku kaunga kotoaki aí ʻo lisi fakatatau ki heʻene fakahokohoko ʻi he Tohi Tapú. ʻI he Articles, ʻoku ʻasi mai ai e ngaahi fakamatala tatau mo ia ʻi he talateú mo e ʻapenitikí.
Kapau te ke taipeʻi ha ngaahi foʻi lea, vakaiʻi ʻa e kiʻi puha Match Exact Phrase ke ʻasi mai pē ʻa e fakamatala ʻoku maʻu ai e kupuʻi lea ʻokú ke taipeʻí.
Fekumi ʻi ha Tohi
ʻE lava ke ke fekumi ki ha foʻi lea pe kupuʻi lea ʻi ha tohi ʻokú ke lolotonga laú.
Lolotonga hoʻo sio he tohí, lomi ʻi he Search, kamata taipeʻi leva ʻa e foʻi lea ʻokú ke fiemaʻu ke kumí. ʻI hoʻo taipeʻi iá, te ke sio ai ki he ngaahi fokotuʻú. Lomi ʻi ha fokotuʻu, pe lomi ʻi he Enter, ke sio ki he olá.
Kapau te ke taipeʻi ha ngaahi foʻi lea, vakaiʻi ʻa e kiʻi puha Match Exact Phrase ke ʻasi mai pēai ʻa e fakamatala ʻoku maʻu ai e kupuʻi lea ʻokú ke taipeʻí.
Fekumi ki ha Kaveinga
Kapau kuó ke download mai ʻa e Insight on the Scriptures, ʻe lava ke ke fekumi ai ki ha kaveinga ʻi he Insight. ʻE lava ke fai eni lolotonga hoʻo lautohi ʻi ha Tohi Tapu pe tohi ʻi he app.
Lomi ʻi he Search, kamata taipeʻi leva ʻa e kaveinga ʻokú ke fiemaʻu ke kumí. ʻI hoʻo taipeʻi iá, ko e ngaahi kaveinga fehoanakimālie mei he Insight on the Scriptures ʻoku kau ia ʻi he lisi ʻo e ngaahi fokotuʻú. Lomi ʻi ha kaveinga ke fakaava ʻa e kupú.
Naʻe tukuange atu ʻa e konga ko ʻení ʻi ʻOkatopa 2014 ʻi he JW Library 1.3.4, ʻa ia ʻoku feʻungamālie ki he Android 2.3 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—Android,” ʻi he Ko Hono Maʻu ʻa e Konga Fakamuimui Tahá.
