Kapau ʻoku ʻikai lava ke ke install ʻa e JW Library ʻi hoʻo meʻangāue Android mei he app fakaʻofisialé, ʻo hangē ko e Google Play Store pe ko e Amazon Appstore, te ke lava ʻo install pe ʻe koe ʻo ngāueʻaki ʻa e JW Library Android package (APK).

Ke install ʻa e JW Library APK, ʻe fiemaʻu nai ke ke fakaʻatā ʻa e setting hoʻo meʻangāué ki he “install unknown apps” pe ko e “allow installation from unknown sources.” Ke ʻiloʻi ʻa e founga ke fai pehē aí, vakaiʻi ʻa e documentation ki hoʻo meʻangāue Android.

Muimui ʻi he founga ko ení ke download mo install ʻa e JW Library APK:

1. Lomiʻi ʻa e Download ʻi he peesi ko ení ke save ʻa e faile APK ki hoʻo meʻangāue fakaʻilekitulōniká.

2. Fakaava ʻa e faile APK ʻi hoʻo meʻangāue fakaʻilekitulōniká, pea lomiʻi ia ke install ʻa e JW Library.

ʻI he hili hono install ʻa e JW Library APK, vakaiʻi fakataimi ia ke ʻiloʻi pe ʻoku ʻi ai ha version foʻou ʻo e app. Ke fai ení, muimui ʻi he ngaahi sitepu ko ení:

1. Fakaava ʻa e Settings ʻi he JW Library ke ʻiloʻi ʻa e version ʻoku lolotonga maʻu ʻi hoʻo meʻangāue fakaʻilekitulōniká.

2. Kapau ko e fika ʻo e version hoʻo meʻangāue fakaʻilekitulōniká ʻoku siʻisiʻi ange ia ʻi he fika ʻo e version ʻoku hā ʻi lalo, download mo install ʻa e APK ʻo ngāueʻaki ʻa e ngaahi sitepu kuo ʻosi hā ʻi ʻolungá.