JW LIBRARY
Liliu ki he Founga Lautohí—Android
ʻOku ʻomai ʻi he JW Library ʻa e ngaahi tafaʻaki ʻe niʻihi ke fakalahi ki ai hoʻo lautohí. ʻOku maʻu ʻa e ngaahi founga ko ení ʻi he app bar ʻi ʻolunga ʻi he tepiletí ʻi hoʻo lau ha vahe pe ko ha kupu.
ʻE fiemaʻu ke ke lomi ʻi he More ke hū ai ki he ngaahi founga ʻe niʻihi ʻi he app bar.
Muimui ʻi he fakahinohino ko ení ke ke feʻunuʻaki ai ʻa e meʻa ke laú:
Liliu ʻa e Lea
ʻE lava ke liliu ʻa e lea ʻo e vahe pe kupu ʻokú ke lolotonga laú.
Lomi ʻi he Languages ke sio ki he ngaahi lea kotoa ʻoku ʻi ai ʻenau peesi ʻokú ke lolotonga laú. Ko e ngaahi lea ʻokú ke faʻa ngāueʻakí ʻoku muʻomuʻa taha ia ʻi he lisí. Ko e pulusinga faingofua ʻo e Taua Leʻo ʻe toe ʻasi ia heni. ʻE lava ke ke toe fekumi ki ha lea ʻi he lisí ʻaki hono taipeʻi ia.
Ko e ngaahi lea kuo teʻeki ai ke ke download maí ʻoku fakaʻilongaʻi ia ʻaki ha kiʻi konga ʻao. Lomi ki he lea ʻe download ai ʻa e tohí. ʻI hono download pē ʻa e tohí ki hoʻo meʻangāué, ʻoku puli leva ʻa e kiʻi konga ʻaó. Toe lomi ʻi he leá ke ke lau ia.
Liliu ʻa e Saisi ʻo e Fakamatala
ʻE lava ke ke liliu ʻa e saisi ʻo e fakamatalá ke feʻungamālie ki hoʻo lautohí.
Lomi ʻi he Text Settings ke feʻunuʻaki ʻa e fakamatalá ke mata siʻisiʻi ange pe lalahi ange. ʻOku ngāueʻaki ʻa e founga ko ení ki he ʻū tohi kotoa ʻi he app.
Sio ki he Fakatātā pe Fakamatala
ʻE lava ke sio ki he kupu ʻe niʻihi ko ha fakatātā pe ko ha fakamatala. Lomiʻi ai ke ke sio ki he fakatātaá pe ko e fakamatalá.
View Image: ʻOku ʻasi mai ai ʻa e fōtunga ʻoku pulusiʻakí. ʻE saiʻia nai ʻa e niʻihi ʻi he fōtunga ko ení ʻi he ʻū tohí hangē ko e tohi-hivá, ʻa ia ʻoku ʻasi mai ai ʻa e nota tuʻunga-fasi.
View Text: ʻOku ʻasi mai ai ʻa e ngaahi konga Tohi Tapú ʻo malava ke ke lomiʻi ai ke link, pea ʻe lava ke ke ngāueʻaki ʻa e saisi ʻo e fakamatala ʻokú ke saiʻia aí.
Fakaava ʻi he . . .
Ko e Open in . . . ʻoku fakaʻatā ai ke ke sio ki he meʻa ʻi lotó mei he JW Library ʻi ha app kehe.
Lomi ʻi he Open in . . . ke sio ki ha lisi ʻo e meʻa ʻoku ala maʻú. Ko e fakatātaá, ʻe lava ke ke lomi ʻi he Open in Online Library ke fakaava ʻa e peesi ʻokú ke lolotonga lautohi ai ʻi he LAIPELI Taua Leʻo ʻI HE ʻINITANETÍ.
Feʻunuʻaki ʻa e Tohi Tapu ke Kumi
ʻI hoʻo lomiʻi ha konga Tohi Tapu ʻi ha tohi, ʻoku ʻasi mai leva ʻa e ngaahi vēsí. Lomi ʻi he Customize ʻi lalo ʻi he ngaahi vēsí ke ke fili mei ai hoʻo Tohi Tapu naʻe ʻosi download te ke saiʻia ke fakakau ʻi he lisí.
Lomi ʻi he Add pe Remove ke fakakau pe toʻo ʻa e ngaahi Tohi Tapú. Fehikiʻaki ʻa e ngaahi Tohi Tapú ki hano toe fokotuʻutuʻu ʻa e lisí.
Sio ki he “Download mo Maʻu e ʻŪ Liliu Tohi Tapú—Android” ke ako ki he founga ke toe tānaki mai ha Tohi Tapu ʻi he JW Library.
Naʻe tukuange atu ʻa e konga ko ʻení ʻi Fepueli 2015 ʻi he JW Library 1.4, ʻa ia ʻoku feʻungamālie ki he Android 2.3 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—Android,” ʻi he Ko Hono Maʻu ʻa e Konga Fakamuimui Tahá.
