JW LIBRARY
Download mo Maʻu e ʻŪ Tohí—Android
ʻOku lauingeau ʻa e ngaahi tohi, polosiua, tuleki mo e vitiō ʻe lava ke lau mo sio ai ʻi he JW Library.
Muimui ʻi he fakahinohino ki hono download mo maʻu e ʻū tohí:
Download ha Tohi
ʻE lava ke ke download ʻa e ʻa e lahi taha ʻo e ʻū tohi te ke saiʻia ke lau mo akó.
Fakaava ʻa e navigation drawer pea lomi ʻi he Publications ke ʻasi mai ʻa e lisi ʻo e ʻū tohí.
Lomi ʻi he Languages ke ʻasi mai ʻa e lisi ʻo e ngaahi lea kotoa ʻoku ala maʻu ai ʻa e ʻū tohi ko iá. Fili ʻa e lea ʻokú ke loto ke sio aí. Ko e ngaahi lea ʻokú ke faʻa ngāueʻakí ʻoku muʻomuʻa taha ia ʻi he lisí. ʻE lava ke ke toe fekumi ki ha lea ʻi he lisí ʻaki hono taipeʻi ia.
ʻOku kiʻi kehekehe ʻa e founga ke kumiʻaki ʻa e ʻū tohí ʻi he JW Library.
ʻI he By Type, ʻoku ʻasi ai ʻa e ʻū tohi ʻi he lea ʻokú ke fekumi ki aí, ʻo fakafaʻahinga ia hangē ko e Tohi, Tuleki, pe Vitiō. Ke lomi ʻi ha taha aí ʻe ʻomai ai ha ʻū meʻa ke ke fili mei aí, hangē ko e fakahokohoko taʻu ʻo e Taua Leʻo pe fakakulupu ʻa e ngaahi Vitioó. Lomi ʻi he All Types ke foki ki he kamataʻanga ʻo e lisí.
ʻI he What’s New ʻoku ʻasi mai ai ʻa e ʻū tohi naʻe toki tukuange mai ʻi he lea ʻokú ke fekumi ki aí.
Ko e ʻū tohi kuo teʻeki ai ke ke download maí ʻoku fakaʻilongaʻiʻaki ha kiʻi konga ʻao. Lomi ʻi ha tohi ke download mai. ʻI hono download mai pē ʻa e tohí ki hoʻo meʻangāué, ʻoku puli leva ʻa e kiʻi konga ʻaó. Toe lomi ʻi he tohí ke ke lau ia.
ʻI he Downloaded ʻoku ʻasi mai ai ʻa e kotoa ʻo e ʻū tohi kuó ke download ʻi ha faʻahinga lea pē. ʻE lava ke ke fakafaʻahinga ʻa e lisi ko ení ʻaki ʻa e Frequently Used, Rarely Used, pe Largest Size.
Delete ha Tohi
ʻE lava ke ke delete ha tohi ʻoku ʻikai ke ke toe fiemaʻu, pe kapau te ke saiʻia ke fakaʻataʻatā hoʻo meʻangāué.
Fakaava ʻa e navigation drawer pea lomi ʻi he Publications, lomi leva ha faʻahinga tohi (ko e fakatātaá, Books) ke ʻasi mai ʻa e lisi ʻo e ʻū tohí. ʻI he tohi ʻokú ke loto ke delete, lomi ʻi he More, lomi leva ʻa e Delete.
Kapau te ke saiʻia ke fakaʻataʻatā hoʻo meʻangāué, ʻe lava ke ke delete ʻa e ʻū tohi ʻoku tātātaha hoʻo ngāueʻakí pe fuʻu lahi. Fakaava ʻa e navigation drawer pea lomi ʻi he Publications. ʻAlu ki he Downloaded, ʻo fakafaʻahinga ʻa e lisí ʻaki ʻa e Rarely Used pe Largest Size. Delete ʻa e ʻū tohi ʻoku ʻikai te ke toe fiemaʻú.
Update ʻo ha Tohi
Mei he taimi ki he taimi, ko hano update ha tohi kuó ke ʻosi download mai ʻe lava ke maʻu nai ia.
Ko ha tohi ʻoku update ʻoku fakaʻilongaʻiʻaki ia ha fakaʻilonga foʻou. ʻI hoʻo lomi ʻi he tohí, te ke sio ai ki ha kiʻi fakamatala kuo ala maʻu ʻa e update ko iá. Lomi ʻi he Download ke download mai ia, pe lomi ʻi he Later ke hoko atu hoʻo lau ʻa e tohi ko ia kuó ke maʻú.
Ke sio pe kuo ʻosi update ʻa e ʻū tohi naʻá ke download maí, fakaava ʻa e navigation drawer, pea lomi ʻi he Publications. Kapau ʻoku lava ke maʻu ia, ʻe ʻasi mai ʻa e Pending Updates. Lomiʻi ai ke sio ki ha lisi ʻo e ʻū tohi kotoa ʻoku update. Lomi ʻi ha tohi ke update, pea lomi ʻi he Update All ke download kotoa mai ʻa e update ʻoku ala maʻú.
Naʻe tukuange atu ʻa e konga ko ʻení ʻi Fepueli 2015 ʻi he JW Library 1.4, ʻa ia ʻoku feʻungamālie ki he Android 2.3 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—Android,” ʻi he Ko Hono Maʻu ʻa e Konga Fakamuimui Tahá.
