JW LIBRARY
Fakaʻilongaʻi ha Foʻi Lea pe Kupuʻi Lea—iOS
ʻI hoʻo lau mo ako ʻa e ʻū tohi ʻi he JW Library, ʻe lava ke ke fakaʻilongaʻi ʻa e ngaahi foʻi leá pe kupuʻi leá.
Muimui ʻi he fakahinohino ki hono fakaʻilongaʻi ʻa e foʻi leá pe kupuʻi leá:
ʻAi ha Fakaʻilonga Foʻou
ʻOku ʻi ai ʻa e founga ʻe ua ke fakaʻilongaʻi ai ha foʻi lea pe kupuʻi lea.
Lomiʻi pea tuʻumaʻu ʻi he foʻi lea ke fakaʻilongaʻí. ʻE lava ke ke fakalahiʻi ʻa hoʻo fili ʻa e foʻi lea ke fakaʻilongaʻí. ʻI he menu ʻoku ʻasi maí, lomi ʻi he Fakaʻilongá pea fili leva ha lanu ke fakaʻilongaʻiʻaki ʻa e foʻi leá.
Ke fakaʻilongaʻi ha foʻi lea pe kupuʻi lea, lomiʻi tuʻumaʻu ai pea tohoʻi leva. ʻI hoʻo tohoʻi iá, ʻoku fakaʻilongaʻi ʻa e he foʻi lea pe kupuʻi lea. Hili iá, ʻoku ʻasi mai ha kiʻi menu. ʻE lava ke ke ngāueʻaki ʻa e menu ko ení ke liliu ʻa e lanu ʻo e fakaʻilongá, pe tāmateʻi ia.
Liliu ha Fakaʻilonga
Ke liliu ʻa e lanu ʻo ha fakaʻilonga, lomi ʻa e foʻi lea pe kupuʻi lea kuo ʻosi fakaʻilongaʻí pea fili ha lanu kehe. Ke toʻo ʻa e fakaʻilongá, lomi ʻi he foʻi lea pe kupuʻi lea kuo ʻosi fakaʻilongaʻí pea lomi ʻi he Delete.
Naʻe tukuange atu ʻa e konga ko ʻení ʻi Nōvema 2015 ʻi he JW Library 1.6, ʻa ia ʻoku feʻungamālie ki he iOS 7.0 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—iOS,” ʻi he Maʻu ʻa e Meʻa Fakamuimui Tahá.
