JW LIBRARY
Ngāueʻaki ʻa e Bookmarks—iOS
Ko e fakaʻilongá ʻi he JW Library ʻoku lava ai ke ke fakaʻilongaʻi ha faʻahinga tohi, ʻo hangē ko haʻo ngāueʻaki ha kiʻi līpine ke fakaʻilongaʻi ha tohi. Ko e tohi taki taha ʻi he JW Library ʻoku ʻi ai hono fakaʻilonga ʻe 10.
Muimui ʻi he fakahinohino ki hono ngāueʻaki ʻa e bookmarks:
Fili ha Fakaʻilonga Foʻou
ʻE lava ke ke fakaʻilongaʻi ha kupu pe vahe, pe fakaʻilongaʻi ha palakalafi pe veesi Tohi Tapu pau.
Ke fakaʻilongaʻi ha kupu pe vahe, lomi ʻi he Fakaʻilongá. ʻOku ʻasi mai ha lisi, ʻo fakahaaʻi ai ʻa e fakaʻilonga ki he tohi ko iá. Lomi ha fakaʻilonga ʻoku teʻeki ke ngāueʻakí ke fakaʻilongaʻi ʻa e kupu pe vahe ko iá.
Ke fakaʻilongaʻi ha palakalafi pe veesi Tohi Tapu pau, ʻuluaki lomi ʻi he fakamatalá, lomi leva ʻi he Fakaʻilongá.
ʻAlu ki ha Fakaʻilonga
Ke ʻalu ki ha fakaʻilonga, fakaava ʻa e tohi ʻoku ʻi ai ʻa e fakaʻilongá, lomi leva ʻi he Fakaʻilongá. Lomi ʻa e fakaʻilonga ʻokú ke loto ke sio ki aí.
Ngāueʻaki Hoʻo Fakaʻilongá
ʻI he ʻosi hano fili ha fakaʻilonga, ʻe lava ke ke toʻo pe fetongi ia.
Ke toʻo ha fakaʻilonga, lomi ʻi he Fakaʻilongá, pea tohoʻi leva ʻa e fakaʻilonga ʻokú ke loto ke toʻó ki toʻohema. Lomi ʻi he Delete.
Ke fetongi ha fakaʻilonga, lomi ʻi he Fakaʻilongá, pea tohoʻi leva ʻa e fakaʻilonga ʻokú ke loto ke fetongí ki toʻohema. Lomi ʻi he Replace. ʻOku fetongi leva hoʻo fakaʻilongá. ʻE ʻatā leva ʻa e fakaʻilongá ke ke ngāueʻaki ki ha tohi ʻokú ke lau. Ko e fakatātaá, ʻe lava ke ke muimuiʻi ai hoʻo lau Tohi Tapu fakaʻahó.
Naʻe tukuange atu ʻa e konga ko ʻení ʻi Mē 2014 ʻi he JW Library 1.2, ʻa ia ʻoku feʻungamālie ki he iOS 6.0 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—iOS,” ʻi he Maʻu ʻa e Meʻa Fakamuimui Tahá.
