JW LIBRARY
Fekumi ʻi ha Tohi Tapu pe Tohi—iOS
Ko e fekumi ʻi he JW Library ʻoku ʻai ai ke ke maʻu ha foʻi lea pe kupuʻi lea ʻi ha Tohi Tapu pe tohi.
Muimui ʻi he fakahinohino ki he fekumí:
Fekumi ʻi ha Tohi Tapu
ʻE lava ke ke fekumi ki ha foʻi lea pe ko ha kupuʻi lea ʻi he Tohi Tapu ʻokú ke lolotonga laú.
Lolotonga hoʻo sio he Tohi Tapú, lomi ʻi he Fekumí, kamata taipeʻi leva ʻa e foʻi lea ʻokú ke fiemaʻu ke kumí. ʻI hoʻo taipeʻi iá, te ke sio ai ki he ngaahi fokotuʻú. Lomi ʻi ha fokotuʻu, pe lomi ʻi he Fekumí, ke sio ki he olá.
ʻI he Veesi ʻAsi Lahi Tahá, ʻoku ʻasi ai ʻa e ngaahi veesi ʻokú ke toutou ngāueʻakí ʻa ia ʻoku feʻungamālie mo hoʻo fekumí. ʻI he Vēsí Kotoa, ʻoku ʻasi mai ai ʻa e ngaahi veesi ʻoku kaunga kotoa ki aí ʻo lisi fakatatau ki heʻene fakahokohoko ʻi he Tohi Tapú. ʻI he Kupú, ʻoku ʻasi mai ai ʻa e ngaahi fakamatala tatau mo ia ʻi he talateú mo e ʻapenitikí.
Kapau te ke taipeʻi ha ngaahi foʻi lea, vakaiʻi ʻa e kiʻi puha Fehoanaki mo e Kupuʻi Leá Tonu ke ʻasi mai pē ʻa e fakamatala ʻoku maʻu ai ʻa e kupuʻi lea ʻokú ke taipeʻí.
Fekumi ʻi ha Tohi
ʻE lava ke ke fekumi ki ha foʻi lea pe ko ha kupuʻi lea ʻi he tohi ʻokú ke lolotonga laú.
Lolotonga hoʻo sio ʻi ha tohi, lomi ʻi he Fekumí, kamata taipeʻi leva ʻa e foʻi lea ʻokú ke fiemaʻu ke kumí. ʻI hoʻo taipeʻi iá, te ke sio ai ki he ngaahi fokotuʻú. Lomi ʻi ha fokotuʻu, pe lomi ʻi he Fekumí, ke sio ki he olá.
Kapau te ke taipeʻi ha ngaahi foʻi lea, vakaiʻi ʻa e kiʻi puha Fehoanaki mo e Kupuʻi Leá Tonu ke ʻasi mai pē ai ʻa e fakamatala ʻoku maʻu ai ʻa e kupuʻi lea ʻokú ke taipeʻí.
Fekumi ki ha Kaveinga
Kapau kuó ke hiki mai ʻa e Insight on the Scriptures, ʻe lava ke ke fekumi ai ki ha kaveinga ʻi he Insight. ʻE lava ke fai eni lolotonga hoʻo lau ha Tohi Tapu pe tohi ʻi he app.
Lomi ʻi he Fekumí, kamata taipeʻi leva ʻa e kaveinga ʻokú ke fiemaʻu ke kumí. ʻI hoʻo taipeʻi iá, ko e ngaahi kaveinga fehoanakimālie mei he Insight on the Scriptures ʻoku kau ia ʻi he lisi ʻo e ngaahi fokotuʻú. Lomi ʻi ha kaveinga ke fakaava ʻa e kupú.
Naʻe tukuange atu ʻa e konga ko ʻení ʻi ʻOkatopa 2014 ʻi he JW Library 1.3.4, ʻa ia ʻoku feʻungamālie ki he iOS 6.0 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—iOS,” ʻi he Maʻu ʻa e Meʻa Fakamuimui Tahá.
