JW LIBRARY
Feʻunuʻaki ki he Founga Lautohí—iOS
ʻOku ʻomai ʻi he JW Library ʻa e ngaahi tafaʻaki ʻe niʻihi ke fakaleleʻiʻaki hoʻo founga lautohí. ʻOku maʻu ʻa e ngaahi founga ko ení ʻi he navigation bar ʻi ʻolunga ʻi he iPad ʻi hoʻo lau ha vahe pe ko ha kupu.
ʻE fiemaʻu ke ke lomi ʻi he Lahi Angé ke hū ai ki he ngaahi founga ʻe niʻihi ʻi he navigation bar.
Muimui ʻi he fakahinohino ko ení ke feʻunuʻaki ai hoʻo founga lautohí:
Liliu ʻa e Leá
ʻE lava ke liliu ʻa e lea ʻo e vahe pe kupu ʻokú ke lolotonga laú.
Lomi ʻi he Leá ke sio ki he ngaahi lea kotoa ʻoku ala maʻu ai ʻa e peesi ʻokú ke lolotonga laú. Ko e ngaahi lea ʻokú ke faʻa ngāueʻakí ʻoku muʻomuʻa taha ia ʻi he lisí. Ko e pulusinga faingofua ʻo e Taua Leʻo ʻe toe ʻasi ia heni. ʻE lava ke ke toe kumi ki ha lea ʻi he lisí ʻaki hono taipeʻi ia.
Ko e ngaahi lea kuo teʻeki ai ke ke hiki maí ʻoku fakaʻilongaʻi ia ʻaki ha kiʻi konga ʻao. Lomi ʻi he lea ʻe hiki mai ai ʻa e tohí. ʻI he ʻosi hono hiki mai ʻa e tohí ki hoʻo meʻangāué, ʻoku puli leva ʻa e kiʻi konga ʻaó. Toe lomi ʻi he leá ke ke lau ia.
Liliu ʻa e Saisi ʻo e Leá
ʻE lava ke ke liliu ʻa e saisi ʻo e leá ke feʻungamālie ki hoʻo lautohí.
Lomi ʻi he Saisi ʻo e Leá ke feʻunuʻaki ke mata iiki ange pe lalahi ange. ʻOku ngāueʻaki ʻa e founga ko ení ki he ʻū tohi kotoa ʻi he app.
Fakaʻasi ʻa e ʻĪmisí pe Fakamatalá
ʻE lava ke sio ki he kupu ʻe niʻihi ko ha ʻīmisi pe ko ha fakamatala. Lomiʻi ai ke ke sio ki he ʻīmisí pe ko e fakamatalá.
Fakaʻasi ʻa e ʻĪmisí: ʻOku ʻasi mai ai ʻa e fōtunga ʻoku pulusiʻakí. ʻE saiʻia nai ʻa e niʻihi ʻi he fōtunga ko ení ʻi he ʻū tohi hangē ko e tohi hivá, ʻa ia ʻoku ʻasi mai ai ʻa e nota tuʻunga-fasí.
Fakaʻasi ʻa e Fakamatalá: ʻOku ʻasi mai ai ʻa e ngaahi konga Tohi Tapú ko ha link ʻo malava ke ke lomiʻi ai pea ngāueʻaki ʻa e saisi ʻo e lea ʻokú ke saiʻia aí.
Fakaava ʻi he . . .
Ko e Fakaava ʻi he . . . ʻoku fakaʻatā ai ke ke sio ki he meʻa ʻi lotó mei he JW Library ʻi ha app kehe.
Lomi ʻi he Fakaava ʻi he . . . ke sio ki ha lisi ʻo e meʻa ʻoku ala maʻú. Ko e fakatātaá, ʻe lava ke ke lomi ʻi he Fakaava ʻa e Laipeli ʻi he ʻInitanetí ke fakaava ʻa e peesi ʻokú ke lolotonga lautohi aí ʻi he LAIPELI Taua Leʻo ʻI HE ʻINITANETÍ.
Feʻunuʻaki ʻa e Tohi Tapu ke Kumí
ʻI hoʻo lomiʻi ha konga Tohi Tapu ʻi ha tohi, ʻoku ʻasi mai leva ʻa e ngaahi vēsí. Lomi ʻi he Feʻunuʻakí ʻi lalo ʻi he vēsí ke ke fili mei ai hoʻo Tohi Tapu naʻe ʻosi hiki te ke saiʻia ke fakakau ʻi he lisí.
Lomi ʻi he Fakaʻilonga + pe Fakaʻilonga - ke fakakau pe ʻikai fakakau ʻa e ngaahi liliu Tohi Tapú. Feʻunuʻaki ʻa e fakahokohoko ʻo e ngaahi Tohi Tapú ki hoʻo fiemaʻú.
Sio ki he “Download mo Maʻu e ʻŪ Liliu ha Tohi Tapú—iOS” ke ako ai ki he founga ke toe tānaki mai ha Tohi Tapu mei he JW Library.
Naʻe tukuange atu ʻa e konga ko ʻení ʻi Fepueli 2015 ʻi he JW Library 1.4, ʻa ia ʻoku feʻungamālie ki he iOS 6.0 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—iOS,” ʻi he Maʻu ʻa e Meʻa Fakamuimui Tahá.
