JW LIBRARY
Kamata Ngāueʻaki ʻa e JW Library—iOS
Talitali lelei koe ki he JW Library. Ko e app ko ení naʻe fakataumuʻa ia ki he lautohi mo hono ako ʻo e Tohi Tapú. ʻE lava ke ke hū ki he ngaahi meʻa tefito ʻi he app ʻaki hoʻo lomiʻi ʻa e ngaahi meʻa ko eni ʻi lalo ʻi he tab bar.
Tohi Tapu
ʻI he tab Tohi Tapú ʻoku lava ai ke ke lau mo hiki ʻa e ngaahi liliu Tohi Tapú. Lomiʻi ha tohi ʻi he Tohi Tapú pea mo ha vahe ke kamata lau. ʻI hoʻo laú, ʻe lava ke ke sio foki ki he ngaahi fakamatala ʻi lalo, fakamatala mo e ngaahi liliu hoatatau ʻi he tafaʻaki Toʻomataʻú.
Ke kumi ha veesi Tohi Tapu kehe, toe lomiʻi ʻa e tab Tohi Tapú ke foki ki he lisi ʻo e ngaahi tohi ʻi he Tohi Tapú.
ʻŪ Tohi
ʻI he tab ʻŪ Tohí ʻoku lava ai ke ke sio ki he ʻū tohi hiki-leʻo mo e vitiō. Lomiʻi ha tohi pea mo ha kupu ke kamata lau. ʻI hoʻo laú, ʻe lava foki ke ke toe kumi ʻa e ngaahi veesi ʻoku haá. Lomiʻi ha veesi Tohi Tapu ke sio ki he vēsí ʻi he tafaʻaki Toʻomataʻú. Lomiʻi ha link ʻi he tafaʻaki Toʻomataʻú ke ʻalu ki he veesi ʻi he Tohi Tapú.
Ke fakaava ha tohi kehe, lomiʻi ʻa e tab ʻŪ Tohí ke foki ki he lisi ʻo e ʻū tohí.
Konga Tohi Fakaʻaho
Lomiʻi ʻa e tab Konga Tohi Fakaʻahó ke sio ki he konga tohi ʻo e ʻaho ní.
Ngaahi Fakataha
Lomiʻi ʻa e tab Ngaahi Fakatahá ke sio ki he ʻū tohi ki he fakataha ʻoku faí.
ʻInitaneti
Lomiʻi ʻa e tab ʻInitanetí ke hū ai ki heʻetau uepisaiti fakaʻofisialé.
Maʻu ʻa e Meʻa Fakamuimui Taha
Fakapapauʻi ʻokú ke maʻu ʻa e JW Library fakamuimui tahá ʻaki hono update hoʻo meʻangāué.
Download ʻa e liliu fakamuimui taha ʻo e iOS ʻoku ala maʻú ki hoʻo meʻangāué. Sio ki he link ko ení ki ha fakamatala lahi ange: https://support.apple.com/en-us/HT204204.
Ke faingamālie kiate koé, ʻe lava ke ke fakamoʻui pē ʻa e app ke update ʻotomētiki pē hoʻo meʻangāué. Sio ki he link ko ení ki ha fakamatala lahi ange: https://support.apple.com/en-us/HT202180.
