Ko e taumuʻa tefito ʻo e JW Library ke lau mo ako ai ʻa e Tohi Tapú.

Muimui ʻi he fakahinohino ki hono download mai ha Tohi Tapu:

•  Download ha Tohi Tapu

•  Delete ha Tohi Tapu

•  Update ha Tohi Tapu

ʻE lava ke hiki mai ha liliu Tohi Tapu ke ke lautohi mo ako ai.

• Lomi ʻi he tab Tohi Tapú ke ʻasi mai ʻa e lisi ʻo e ngaahi tohi ʻi he Tohi Tapú.

• Lomi he fakatātā ʻi ʻolunga he taupotu taha ki he toʻomataʻú ki he Leá ke ʻasi mai ʻa e lisi ʻo e Tohi Tapu kotoa ʻoku ala maʻú. Ko e liliu Tohi Tapu ʻoku lahi taha hoʻo ngāueʻakí ʻe muʻomuʻa ia ʻi he lisí. ʻE lava ke ke toe fekumi ʻi he lisí ki ha lea pe liliu Tohi Tapu ʻaki hono taipeʻi ia. Ko e fakatātaá, taipeʻi ʻa e “int” ke kumiʻaki ʻa e Kingdom Interlinear ʻi he lea faka-Pilitāniá, pe ko e “port” ke kumiʻaki ʻa e Tohi Tapu kotoa ʻi he lea faka-Potukalí.

• Ko e Tohi Tapu kuo teʻeki ai ke ke hiki maí ʻoku fakaʻilongaʻi ʻaki ha kiʻi konga ʻao. Lomi ʻi ha Tohi Tapu ke hiki mai. ʻI hono hiki mai pē ʻa e Tohi Tapú ki hoʻo meʻangāué, ʻoku puli leva ʻa e kiʻi konga ʻaó. Toe lomi ʻi he Tohi Tapú ke ke lau ia.

Kapau ʻoku teʻeki ai ke ke maʻu ʻa e liliu Tohi Tapu ʻokú ke fiemaʻú, kātaki ʻo vakaiʻi ia ʻamui ange. ʻE lahi ange ʻa e ngaahi liliu Tohi Tapu ʻe tānaki atu ʻi he taimi ʻe maʻu aí.

ʻE lava ke ke toʻo ha liliu Tohi Tapu ʻoku ʻikai ke ke toe fiemaʻu, pe kapau te ke saiʻia ke fakaʻataʻatā hoʻo meʻangāué.

Lomi ʻi he tab Tohi Tapú, lomi leva ʻa e Leá ke fakaava ʻa e lisi ʻo e Tohi Tapú. Toho ki toʻohema ʻa e Tohi Tapu ʻokú ke loto ke toʻó, lomi leva ʻa e Delete.

Mei he taimi ki he taimi, ʻoku malava ʻo update ha Tohi Tapu kuó ke ʻosi hiki mai.