JW LIBRARY
Download mo Maʻu e ʻŪ Tohí—iOS
ʻOku lauingeau ʻa e ngaahi tohi, polosiua, tuleki mo e vitiō ʻe lava ke ke lau mo sio ai ʻi he JW Library.
Muimui ʻi he fakahinohino ki hono download mai ha ʻū tohi:
Download ha Tohi
ʻE lava ke ke hiki mai ʻa e lahi taha ʻo e ʻū tohi te ke saiʻia ke lau mo akó.
Lomi ʻi he ʻŪ Tohí ke ʻasi mai ʻa e lisi ʻo e ʻū tohí.
Lomi he fakatātā ʻi ʻolunga he taupotu taha ki he toʻomataʻú ki he Leá ke ʻasi mai ʻa e lisi ʻo e ngaahi lea kotoa ʻoku ala maʻu ai ʻa e ʻū tohi ko iá. Fili ʻa e lea ʻokú ke loto ke sio aí. Ko e ngaahi lea ʻokú ke faʻa ngāueʻakí ʻoku muʻomuʻa taha ia ʻi he lisí. ʻE lava ke ke toe kumi ki ha lea ʻi he lisí ʻaki hono taipeʻi ia.
ʻOku kiʻi kehekehe ʻa e founga ke kumiʻaki ʻa e ʻū tohí ʻi he JW Library.
ʻI he Fakafaʻahinga, ʻoku ʻasi ai ʻa e ʻū tohi ʻi he lea ʻokú ke kumi ki aí, ʻo fakafaʻahinga ia hangē ko e Tohi, Tuleki, pe Vitiō. Ke lomi ʻi ha taha aí ʻe ʻomai ai ha ʻū meʻa ke ke fili mei aí, hangē ko e fakahokohoko taʻu ʻo e Taua Leʻo pe fakakulupu ʻa e ngaahi Vitioó. Lomi ʻi he Meʻa Kotoa ke foki ki he kamataʻanga ʻo e lisí.
ʻI he Meʻa Foʻoú ʻoku ʻasi mai ai ʻa e ʻū tohi naʻe toki tukuange mai ʻi he lea ʻokú ke kumi ki aí.
Ko e ʻū tohi kuo teʻeki ai ke ke hiki maí ʻoku fakaʻilongaʻiʻaki ha kiʻi konga ʻao. Lomi ʻi ha tohi ke hiki mai. ʻI hono hiki mai pē ʻa e tohí ki hoʻo meʻangāué, ʻoku puli leva ʻa e kiʻi konga ʻaó. Toe lomi ʻi he tohí ke ke lau ia.
ʻI he ʻOsi Download ʻoku ʻasi mai ai ʻa e kotoa ʻo e ʻū tohi kuó ke hiki maí ʻi ha faʻahinga lea pē. ʻE lava ke ke fakafaʻahinga ʻa e lisi ko ení ʻaki ʻa e Kaveinga, Faʻa Ngāueʻaki, ʻIkai Faʻa Ngāueʻaki, pe mei he Saisi Lahi Tahá.
Delete ha Tohi
ʻE lava ke ke toʻo ha tohi ʻoku ʻikai ke ke toe fiemaʻu, pe kapau te ke saiʻia ke fakaʻataʻatā hoʻo meʻangāué.
Lomi ʻi he ʻŪ Tohí, lomi leva ha faʻahinga tohi (ko e fakatātaá, ʻŪ Tohi ʻi he Fakafaʻahingá) ke ʻasi mai ʻa e lisi ʻo e ʻū tohí. Lomi ʻi he Filí pea ke lomi leva ʻi he tohi taki taha ʻokú ke loto ke toʻó. ʻE lava foki ke ke lomiʻi tuʻumaʻu ha tohi ke fili. Lomiʻi ʻa e fakaʻilonga ʻi he toʻohema ʻi ʻolungá ki he Tāmateʻi Tohí, pea fakapapauʻi ʻokú ke loto ke tāmateʻi ʻa e tohí.
Kapau te ke saiʻia ke fakaʻataʻatā hoʻo meʻangāué, ʻe lava ke ke tāmateʻi ʻa e ʻū tohi ʻoku ʻikai faʻa ngāueʻakí pe fuʻu lahi. Lomi ʻi he tab ʻŪ Tohí, ʻalu ki he ʻOsi Download, ʻo fakafaʻahinga ʻa e lisí ʻaki ʻa e ʻIkai Faʻa Ngāueʻaki pe Saisi Lahi Tahá. Tāmateʻi ʻa e ʻū tohi ʻoku ʻikai te ke toe fiemaʻú.
Update ha Tohi
Mei he taimi ki he taimi, ʻoku malava ke fakafoʻou ha tohi kuó ke ʻosi hiki mai.
Ko ha tohi ʻoku fakafoʻou ʻoku fakaʻilongaʻiʻaki ia ha fakaʻilonga foʻou. ʻI hoʻo lomi ʻi he tohí, te ke sio ai ki ha kiʻi fakamatala kuo ala maʻu ʻa e update ko iá. Lomi ʻi he Download ke fakafoʻou, pe lomi ʻi he ʻAmui Angé ke hoko atu hoʻo lau ʻa e tohi ko iá ʻi he liliu kuó ke ʻosi maʻú.
Ke sio pe kuo ʻosi fakafoʻou ʻa e ʻū tohi naʻá ke download maí, lomi ʻi he ʻŪ Tohí. Kapau ʻoku lava ke maʻu ia, ʻe ʻasi mai ʻa e Fakafoʻou ʻAmuí. Lomiʻi ai ke sio ki ha lisi ʻo e ʻū tohi kotoa ʻoku fakafoʻoú. Lomi ʻi ha tohi ke fakafoʻou, pe lomi ʻi he Fakafoʻou Kotoá ke hiki kotoa mai ʻa e fakafoʻou ʻoku ala maʻú.
Naʻe tukuange atu ʻa e konga ko ʻení ʻi Fepueli 2015 ʻi he JW Library 1.4, ʻa ia ʻoku feʻungamālie ki he iOS 6.0 pe ʻamui ange. Kapau ʻoku teʻeki ai ke ke sio ki he ngaahi tafaʻaki ko ení, kātaki ʻo muimui he fakahinohino ʻi he kupu “Kamata Ngāueʻaki ʻa e JW Library—iOS,” ʻi he Maʻu ʻa e Meʻa Fakamuimui Tahá.
