PAXAGUENAXAT 11
So ỹallippi ỹilriñi ra lliquiaxac so Jesús
¿ʼAlaʼa ra ỹaleʼt neʼena foto?... Nachesoua so Mateo, Marcos, Lucas, Juan, Pedro, Santiago, Judas taq so Pablo. ʼEnauac so mayepi nalec ana ʼalhua coʼolloxa ñaq huoʼo so Jesús. Nache ỹilriñi ra lliquiaxac so maye. ʼEnauac na lerecpi huetalec aye la Biblia. Ñapaxaguenaxa so mayepi.
¿Négueʼt ca ʼauaỹaten seʼeso ỹallippi?
So Jesús lỹataʼpe soua tres nʼapóstol qaiaʼaxat na nʼaqtac. ¿ʼAuaỹaten négueʼt soua?... Nachesoua so Mateo, Juan taq Pedro. Soua Mateo taq Juan ỹataqta ỹauattoota so Jesús. Nache ỹilriñi soua lerel iaʼaxat ra nachaalataxac so Jesús. So Juan taqaʼen ỹiriñi ye Apocalipsis, taq tres nerel: Primera, Segunda taq Tercera so Juan. So apóstol Pedro ỹiriñi soua dos nerel: Primera taq Segunda so Pedro. Aso nʼsegunda lere, so Pedro iaʼaxat so naʼaq coʼollaxa so Jesús huaʼaqchigui ra lʼaqtac ñi Jehová, ʼeetaʼ: ‹ʼEna na ỹalec. Aỹem ỹataqta sauotec na maye, qataq ỹataqta ñitootapeguec›.
So ỹaleʼt lỹaʼt huetalec neʼena foto taqaʼen ỹilriñi so ỹoʼot so Jesús. ʼOonolec so maye lʼenaxat Marcos. Qaipettega so maye ra ilaʼa so Jesús so qaicoñeʼ. So lỹa lʼenaxat Lucas. So maye doctor. Qaq so ileu so Jesús, nache qaipettega ra chetaʼague ra quegue so maye.
Neʼena foto huetalec so dos lqaỹaʼt naʼasa so Jesús. Taqaʼen ỹilriñi so ỹoʼot so maye. ¿ʼAuaỹaten ra lʼenaxaʼt?... Santiago taq Judas. So huaʼauchiguiñe, sa iʼamaqteʼn so Jesús. Taq qaipettega ra huoʼo ra aloic. Qalaxaye lcopaʼague iʼamaqteʼn so maye, nache queguelo ra lapaxaguenataxanaxac.
Nagui saʼaxataq so paʼateec neraxanec huetalec neʼena foto. Lʼenaxat Pablo. So saxanaxa ra cristiano, so maye lʼenaxat Saulo. Nquiỹa na cristianopi taq ỹaguec ra saicherapec na mayepi. Qalaq, ¿ʼauaỹaten táenʼco so maye nshetaique ra quegue so Jesús?... Huoʼo so naʼaq, so maye quetagueʼ so nqaʼaic, nache huaqchigui so nʼaqtac chigoqoʼot ye piguem. ¡Nacheso so Jesús! Nache inat: ‹¿Táenʼco ra saʼacherapec na aỹem iʼamaqtenpi?›. Ỹoqoʼoye so Pablo naralaxat ra lataxac, nache quegue so Jesús. So maye ỹiriñi so catorce lerepi ana la Biblia, chegoqtaʼa ye Romanos ivittaʼa ye Hebreos.
Qomiʼ setaxaỹaxanaq ana la Biblia ʼenauac na naʼaxaʼte, ¿nache ʼeetec?... Ra soʼotaq reʼera, nache nquiguec ra sauattonaq so Jesús. ¿ʼAnqopita ra ʼauʼot reʼera?...
