ÑI Jehová ỹaỹatetaʼa ra ỹan qomeʼ ra nachaalataxac so llalec, chaʼaye mashe qoỹettañe ye Génesis 3:15. Aye la Biblia huetalec so lachoxoyec so Abrahán coʼolloxoche qoỹenapega ra ỹalauat so llalec, qoiriñe reʼera yaqto ỹaỹaten na shiỹaxauapi so lachoxoyec Ñi Dios coʼolloxoche qaỹalauat so llalec.

Ñi Dios ʼenapega coʼolloxoche so Abrahán queʼeca lcalaxaqui na shiỹaxauapi nache chixaqaigui cam llalacpi so Isaac. So Abrahán ỹamacten so lʼaqtac ñi Dios, chaʼaye peʼetega ñi Maye ra ishet ra ncalaxatec so llalec. Nache ỹalaq ra naỹamaxat ra ỹalauat so Isaac. Qalaxaye huoʼo so lamaxashec piguem lʼec naxateguet ra ʼeetapeguec so maye. Ỹoqoʼoye Ñi Jehová ỹoltaq ʼenapega so Abrahán ra inquigaxatec ra nʼachiquiaxac chaʼaye salaxaic ra lpiʼiỹaxac.

Coʼolloxoche nache so Isaac huoʼoi so llalqa lʼenaxat Esaú qataq Jacob. Qalaxaye nachaqsota so Jacob ra ỹamacten Ñi Dios ỹoqoʼoye qaỹaʼhuoʼo ye nachiquiaxac. Nache Ñi Dios ỹanem ra lʼenaxat Israel, taqaʼen ỹanem ra doce so llalacpi nachesopi coʼolloxochiye som lamo ye nhuoʼ lʼecpi Israel. ¿Cam ʼeeteco coʼolloxoche reʼera qaỹaxatac?

So lqaỹañecpi so José icaʼal so maye, ỹoqoʼoye nache so mayepi imen so José yaqto nʼlatac. So nʼacopi so José nache iroʼogue ye aʼlhua lʼenaxat Egipto, huaña nache salaxaic so nquejnaxac qalaxaye Ñi Dios itauan so José chaʼaye ỹalaxaguet Ñi Maye. So faraón, som ltaʼa ye Egipto ỹanem so José ra iloʼogue so lauoʼ. Coʼolloxoche huoʼo so nqouaxa nache so Jacob ỹamaq so llalacpi ra taỹa ye Egipto yaqto ishenaxana ca aloq. Nache so mayepi ilalec so José ra nacheso so huetalec ra iloʼotague nam nallec, nache so José sa ishet ra icouennate so ỹoʼot so lqaỹañecpi, nachaqrata ra ichoxoren so mayepi nache ỹamaxasoxona ra qanache so ʼenauac so lauolecpi laỹipi. Nache so faraón ỹami ye ỹataqta ʼonaxaic nʼaʼlhua lai yaqto nalec so lauolecpi so José, huaña nache inquiguec so mayepi coʼolloxoche naña ye Egipto. Nache so José tachigui ra rqouennataxan ra nachiñe Ñi Jehová ra itauan so maye, ỹoqoʼoye huoʼo ra nʼachiquiaxac.

Coʼolloxoche mashe ỹaxaicqui so Jacob mashe nayetacot ra l-leuaxa nache ỹaxataʼa queʼeca lqalaxaqui na shiỹaxauapi ỹataqta ntaʼa huetoʼot ye nʼañaxac, nache nachigui qomeʼ so llalec lỹa lʼenaxat Judá. Taqaʼen so José coʼolloxoche yaqtaʼa ileu nache ỹaxataʼat ra huoʼo ca naʼaq qomeʼ Ñi Dios itauan so lauolecpi so maye ra caʼai ye Egipto.

(Qaỹachigoxotaña ye Génesis capítulo 20 nache ivitaʼa ye capítulo 50; Hebreos 11:17-22.)