¿Huoʼo cam naigui ra anapaxaguena aye la Biblia?
Aye la Biblia nalochigui na shiỹaxauapi. ¿ʼAm mashe ataxaỹaxatac aye maye? Na shiỹaxauapi nichiguiñalo na aʼlhua ỹanata ra nʼañaxataxac qataq ra naquitaxac ỹanem ra lʼaqtaxanaxac aye la Biblia. Qalaxaye salaxaic na shiỹaxauapi saxanaxa ra itaxaỹaxan, nataqaʼen na nʼamqajnataxanaxaicpi qataq na saq amʼqajnataxanaxaicpi huotaique ra ỹataqta ỹaỹaten ra lʼaqtaxanaxac aye maye. Nache anaʼana nmejna qaỹoʼot yaqto ʼam itauan ra huotaique auỹaten ra lʼaqtaxanaxac aye la Biblia.
RA HUOTAIQUE autaxaỹaxan aye maye nache noʼon ra auaỹaten yeʼe. Aye la Biblia laponat yeua 66 nerecpiole. Aye huaʼuchiguiñe lʼenaxat Génesis aye paʼatec lʼenaxat Apocalipsis huoʼotaq Revelación.
Qalaxaye ¿negueʼt ca ỹataqta chigoqoʼot ra lʼaqtaxanaxac aye la Biblia? Cuarenta so neraxanecpi coʼolloxoche qaỹoʼot aye la Biblia. Imattrec soua mil seiscientos viʼiye ra qaimat. Qalaxaye so neraxanecpi sa ishet ra ʼenapecoʼ ra maiche lalamaxat ra nʼaqtaguec, nachaqrata ra qaimatalec ñi Dios ra maiche lalamaxat reʼera lʼaqtaxanaxac aye la Biblia. Ỹoqoʼoye so neraxanec ʼeetaʼ: “Naua ñiyiguiʼshe lʼaqtaqa ñi Dios” (2 Timoteo 3:16 DNS). Nataqaʼen so neraxanec lỹa ʼeetaʼ: “So nʼespiritu ñi qarataxalaʼ [Jehová] aỹem iʼaqtaxanaxan qaq naua lʼaqtaqa nache huetalguete ñi ỹachaxat” (2 Samuel 23:2 LÑI). Ñi Dios ỹanoigui na shiỹaxauapi ra lʼaqtaxanaxac aye la Biblia yaqto qaỹauatton Ñi maye.
Reʼera lʼaqtaxanaxac aye la Biblia chigoqchiguiña ye Génesis nache ivittaʼa ye Apocalipsis ra iaʼaxatac ye Lʼonataxanaxac ñi Dios. Nache rogoxona qome reʼera yaqto ỹachaxana na shiỹaxauapi ra qaica ca ʼenaʼam ra lʼonataxanaxac ñi maye. Ra sauaỹaten yeʼeye nache sa ishet ra auaỹaten cam iaʼaxatac aye la Biblia.
Ỹataqta auen ra antoueetaʼac yeʼeye ra huotaique anqatec cam naigui ra lʼaqtaxanaxac aye la Biblia.
a Anaʼana nmejna qomiʼ rogoxona na nʼaqtaqa a.e.c. yaqtoʼ na iaʼaxat na naʼaxaʼte coʼolloxoche na viʼi uno.
Petaʼa taqaʼen ra ʼalauela
CAMPAÑA ESPECIAL
¿Táenʼco ra qanapaxaguena aye la Biblia?
Aye la Biblia itauaatac na ỹataqta qalota shiỹaxauapi ʼenauac ana ʼalhua ra ỹanata na nnataxacpi ỹataqta ʼenec ra achaalataxac. ¿ʼAm anshetaique ra taqaʼen anapaxaguen?
