Ñi Jehová ỹoʼot so Adán qataq aso Eva, soo maye ishettaxa ncaalaxa chochaq tateec huetaña ye Nmataqaʼ. So Satanás ỹashin na lʼenaxat ñi Jehová qataq iaʼaxat qauem ntaʼa ñi Maye. So Adán qataq aso Eva sa ỹalaxaguet ñi Dios nache huec na lasouaxashet qataq l-leuaxa na shiỹaxauapi

Ñi Dios namaxañe so llalec chaʼaye so Satanás huoʼo so lasouaxashet qataq huoʼo na l-leuaxa nache so Jesús nqat qomeʼ ra lasouaxashet so Satanás

Ñi Dios ỹachaxanapec soo Abrahán qataq David qomeʼ huoʼo na llalec qaỹamataʼac Mesías ntaʼa chochaq tateec

Ñi Jehová rogoxona na raʼaqtaxanapec yaqto yiʼoqnaxan so Mesías nlaxajñe na lasouaxashet qataq na l-leuaxa. Taqaʼen so Mesías qomeʼ ntaʼa na Lʼonataxanaxac ñi Dios qataq huoʼo na shiỹaxauapi itauan so Jesús. Na mayepi imeuo na nquejnaxa

Ñi Jehová iaʼaxat so Jesús ỹataqta Mesías. Ñi maye namaxa yaqto ra iaʼaxatem na Lʼonataxanaxac ñi Dios qataq ileu na shiỹaxauapi. Qomeʼ so Jesús ileu, Ñi Jehová ncalaxatec so llalec ra nchenam na angelpi

Ñi Dios ỹanalec so cristo ntaʼa, na piguem qataq tateec ram ỹoʼot. So Jesús iaʼaxat ra lʼonataxanaxac ñi Dios

Ñi Jehová ỹamaxalec so Jesús tateec ra huetalec ana aʼlhua. Na Lʼonataxanaxac ñi Dios nlaxajñe na ntaʼalpi lỹa qataq ltaq ỹanem ye Nmataqaʼ. Na shiỹaxauapi huoʼo ltaq nalochiguiñe. Nache ʼenauac reʼera ỹachaxanapec Ñi Jehová ỹataqta ʼonaxaic nquiʼitaxac qataq nquiʼit na lʼenaxat