COʼOLLAXA so Jesús neteuʼa ye aʼlhua maye nanqaʼ ana Olivos qataq ilaʼa aye Jerusalén qataq lauoʼ ñi Dios. Nache cuatro lamaxashec satañaxa na iaʼaxattegue ra lʼaqtac. Chaʼaye iaʼaxat na nlaxajñe aye lauoʼ ñi Dios qataq coʼollaxa taqaʼen iaʼaxat “logaʼt ana aʼlhua” (Mateo 13:40, 49). Nache so mayepi ichimaxattexa: “¿Chaq negueʼt qomeʼ ca lʼanaxat ca ʼayiʼiguelaxasoxoc qataq cam logaʼt ana aʼlhua?” (Mateo 24:3).

Nache so Jesús iaʼaxattegue na aloic huoʼo coʼollaxa na nlaxajñe ye Jerusalén qataq lauoʼ ñi Dios. Qalaq na reloxon ñi Jesús ca ipacchigui qomeʼ na huetalec ye ʼenauac ana aʼlhua. Nache yaqto na shiỹaxauapi ỹaỹaten quenaxa so Jesús ltaq nmapeeguet, na mayepi iuen ỹoqochi na ʼonole nmejnaguet: reʼera aloic huetaña ye ʼenauac ana aʼlhua na nachiichigui. Reʼera nmejnaguet ỹachaxanapec Ñi Jehová ỹanagui ra ntaʼa ñi Lʼonataxanaxac ñi Dios so Jesús qataq reʼera Lʼonataxanaxac qomeʼ nlaxajñe ñiʼitaxaloxo qataq naparen l-lagaxa ye ʼenauac aʼlhua. Aye aloic na iaʼaxat so Jesús ỹachaxanapec ra logaʼt ana aʼlhua —ana aʼlhua ñi política, ñi social qataq saq ʼeesa nʼamqajnataxanaxac— taqaʼen so chigoqchiguiña ye ralaxaic aʼlhua.

So Jesús iaʼaxat na, quenaxa so maye chigoqchiguiña ntaʼa ye piguem, nache huoʼo na lqouaxaqui, nacholaxanaxa qataq qalota na lalolaxa huetaña ye ʼenauac aʼlhua. Nataqaʼen qaica huoʼo loỹoxoc na nqataxacpi. Qaltaq na ʼeesa lapaxaguenatacpi raʼaqtaxan na noʼon nʼaxaỹaxac ra Lʼonataxanaxac ñi Dios. Nache reʼera mashere na “qalota qomeʼ nquejnaxac”, aye naʼaxaʼte ỹataqta huoʼo ltaraic nquejnaxac (Mateo 24:21 DNS).

Nache so cristianopi ¿cam ʼeetec ỹaỹaten lviraxac ye naʼaq? So Jesús ʼenapecoʼ: “Qanapaxaguiñiỹa qomeʼ aca lchiyic ana higo” (Mateo 24:32 DNS). Quenaxa aso higuera chigoqchiguiña ỹanagui ʼepaq laue, nache ỹaỹaten na huetoʼot na viʼi. Nache ʼenaʼam, quenaxa ishet ilaʼa na reʼera coʼollaxa iʼaxatta so Jesús, nache qomiʼ ỹaỹaten lviraxac na logaʼt ana aʼlhua. Qalaq so Jesús iaʼaxat na ʼonolec Ntaʼa [Jehová] ỹaỹaten ye naʼaq qataq ca laloqoʼ na chigoqchiguiña ye qalota qomeʼ nquejnaxac. Ỹoqoʼoye lennataxanaxac: “Ỹataqta qanloiteec qomeʼ [...] chaʼaye sa ishet ra qauaỹajñe ca laloqoʼ ra ivita” (Marcos 13:33 DNS).

(Qaỹachigoxotaña ye Mateo, capítulopi 24 qataq 25, ye Marcos capítulo 13 qataq ye Lucas capítulo 21.)