ÑI Dios ỹanem ltaraic na ʼenec so llalec, yaqto so maye ỹoʼot lʼonatac na ʼenec. Qalota na shiỹaxauapi ilaʼa reʼera lʼonatac na ʼenec. Ỹoqoʼoye so Jesús ỹachaxanapec na huoʼo ltaraic ʼenec yaqto roxonaxaataiʼ na npaʼaguenaxauapi ye ʼenauac na shiỹaxauapi. ¿Negueʼt npaʼaguenaxauapi?

Na lqouaxaqui. So huaʼauñi ñi Jesús —nañigui ʼetaxat na lataxa— nache ỹachaxanapec so maye huoʼo na ʼenec yaqto na ỹanem qalota nallic qataq na nỹomaxat. Aso naʼaxaʼte lỹa, taqaʼen nañigui na qapiolqa pan qataq qapiolqa nỹaxaye na qalota pan qataq nỹaxaye. So maye ỹoʼot reʼera yaqto iquiʼaxan na qalota shiỹaxauapi. Nache coʼollaxa huoʼo lliʼiỹoxot na nallic.

Aso lalolaxa. So Cristo “natareetac ʼenauac na ỹottaʼaʼt lalolaxaguesat na shiỹaxauapi” (Mateo 4:23 DNS). So maye nataren na ʼomaic, na sa huaʼaqa, na sa raʼañiigue qataq na so nchiga na lʼoc. Na ʼenec huoʼo qaica logaʼt so maye.

Na ltaraic lʼat. Huoʼo na peʼ, nalʼena so Jesús nqotaʼaʼt na lapaxaguenatac huetalec aso auaxai ye Galilea, nache huoʼo na ltaraic lʼat. Nache so lapaxaguenatac huoʼo na lcolanaxa qalaq so Jesús, ilaʼa na ltaraic lʼat, qataq ʼenapec: “¡ʼAuañaxaañe! ¡ʼAuʼenaxaataiʼ!”. Nache na lʼat logaʼt (Marcos 4:37-39 DNS). Taqaʼen huoʼo na ltaraic lʼat lỹa qataq so maye petañi huetalec ʼetaxat (Mateo 14:24-33).

So saq chaʼapi qauemaic. So saq chaʼapi qauemaic taqaʼen qaỹamataʼac demoniopi, so mayepi ỹac ra ʼenec na qomiʼ. Chaʼaye so maye qaica ca lamaic naqaʼen na shiỹaxauapi. Na huoʼo ỹaqalanʼa nhuejlaʼt na demoniopi. So Jesús sa ishet lcolanaxa. Qalaq na demoniopi lcolanaxa so Jesús qataq na mayepi ỹalaxaguet, quenaxa so maye iaʼaxat ca ỹaxaane na latenec.

Na l-leuaxa. Na l-leuaxa, nataqaʼen aye la Biblia qaỹamataʼac “ca paʼatec paʼaguenaxaua”, reʼera maye lʼeetaiʼ naueguelaʼt ye ʼenauac na shiỹaxauapi (1 Corintios 15:26). Qalaq so Jesús ỹachaxanapec na naueguelaʼt aye l-leuaxa, chaʼaye ncalaxatec na llalec añi paʼai qataq na qaʼañole. So Jesús taqaʼen ncalaxatec ye Lázaro, ye maye huoʼo mashe iviʼ naua cuatro naʼaxaʼte ra saqca. So Jesús ỹoʼot reʼera ca ỹaateec na qalota shiỹaxauapi. Nache iviraʼa na npaʼaguenaxauapi ilaʼa huoʼo na ltaraic ʼenec so Jesús (Juan 11:38-48; 12:9- 11).

Qalaq, quera na shiỹaxauapi, so Jesús ca itauan ltaq ralola qataq ileu. Nache ¿taenʼco ỹoʼot na lʼonatac na ʼenec? Reʼera lʼonatac na ʼenec ỹachaxanapec na nʼaqtac ye lʼaqtaxanaxanec huetalec Lʼonataxanaxac ñi Dios yoqta ʼeesa. Nache ishet ra ỹachitoʼot ra lpiʼiỹaxac na Ntaʼa ỹanagui ñi Dios mashere na lqouaxaqui, aso lalolaxa, na ltaraic lʼat, na demoniopi qataq na l-leuaxa. ʼEnauac reʼera ỹachaxanapec Ñi Jehová ỹanem ltaraic ʼenec so Jesús yaqto ỹoʼot.

(Qaỹachigoxotaña ye nerecpi Mateo, Marcos, Lucas qataq Juan.)