ʼEetec ra ỹataqta ʼanqatec ra naigui neʼena paxaguenaxat aye la Biblia
Ra ʼauacoolec neʼena paxaguenaxac aye la Biblia, huaʼauñe ʼautaxaỹaxan neʼena nʼaqtaxanaxac. Ime ʼameten na VIDEO.
NA HUAʼAUÑE ʼAUANATA
Ra saxanaxa ra nviʼ ca laloqoʼ ca paxaguenaxac aye la Biblia, huaʼauñe maiche ʼanmit ye huaʼauñe laỹeʼ ca ʼoonolec paxaguenaxat. Na qanaloqchiiñe nnataxacpi (A) qataq na textopi qaỹaʼan qaỹotaʼa negrita (B) ỹachaxan na ʼamaqtaqaic paxaguenaxatpi. ʼAmeten ra huoʼo na textopi na netalec so nʼaqtac «ʼautaxaỹaxan».
NA LỸA ʼAUANATA
Ye huaʼauchiguiñe párrafo ye laỹi «Ñimitaq ra paxaguenaxat» iʼaxat négueʼt ca qanapaxaguena queʼeca paxaguenaxat (C). Na subtítulopi qanaloqchiiñe ỹachaxan négueʼt ca ʼamaqtaqaic (D). Ra ʼanauane ca ʼam ỹapaxagueetac, nache ʼautaxaỹaxan na textopi, ʼauasateguet na nnataxacpi qataq ʼameten na videopi. ʼAnmit na fotopi qataq ye iʼaxatta
VIDEOPI. Neʼena recuadropi ʼauanata na videopi qataq na audiopi maye nateeteguet ca paxaguenaxat. Huoʼo na videopi qaỹachigoxotaigui so yoqta ʼen nʼaqtaguec. Qaq huoʼo na laỹipi choche naloqnaxanaxat.
(E), qataq ʼauennataxalec ʼeetec ra ʼauasateguet ye «Huoʼo na nasaxauec ra» (F).
NA PAʼATEC ʼAUANATA
Na paʼatec napaxaguenaxatpi huoʼo «Na ʼamaqtaqaic» qataq na «ʼAntoueetaʼac» (G). Ra ʼamat ra ʼanapaxagueetega ca lección nache iriñe ca fecha. Huaña «Na maiche ra ʼauʼot» ʼauaconguet ca nqataxac ʼam itauan (H). Ye «ʼAuanata ca lỹa» huoʼo na lỹa paxaguenaxatpi qataq na videopi ishet ra ʼameten (I).
ʼEetec ra ʼauanata ca texto huetaigui aye la Biblia
Ana la Biblia huetaigui na 66 nerepi. Huoʼo naua dos laỹiʼ: na Ñiyiguiʼshe Hebreoarameas qataq na Ñiyiguiʼshe Griegas Cristianas. Huoʼo na shiỹaxauapi iỹaxanalo taqaʼen ra Antiguo Testamento qataq Nuevo Testamento.
ʼEnauac na textopi huetaigui neʼena paxaguenaxac aye la Biblia, huaʼauñe ỹachaxan ra lʼenaxat ca nere (A), ime ỹachaxan ca número ye capítulo (B) qataq paʼatec ỹachaxan ye versículo qoʼ versículopi (C).
Qaỹaloqnaxana, Juan 17:3 naigui «ra lere so Juan, capítulo 17, versículo 3».
