ʼEnauac ana ʼalhua, na shiỹaxauapi rataỹaʼaguet na nqalanaxacpi nache ỹoʼot ra ỹaguec ra laquicoxo, lhuogoxo qataq nquiʼic. ʼAm, ¿nachi ʼeetec so qouaigui? Petaʼa huoʼo ra ʼanqueʼejnaxac souaxat ra nalolaxa qoʼ ra ileu ca ʼarauotaxat, nache petaʼa ʼannataxateguelaʼt ra huoʼo ca naʼaq ra imeuo reʼera. Ana la Biblia ỹan ra nasataxac maye qomiʼ nmanaqchet.

1. ¿Négueʼt ca aquitaxac ỹan aye la Biblia?

Ana la Biblia iʼaxat taʼaencoʼ ra qalota na nqalanaxacpi ana ʼalhua. Qataq taqaʼen qomiʼ ỹanem ra noʼon nʼaxaỹaxac ra neʼenapi nqalanaxacpi huoʼo ca logaʼt qataq yaqtaʼa ra imeuo. Na ỹachaxanapecpi aye la Biblia ishet ra ỹanem ʼam «cam ñaq natauo maye nlaqchigui da aquitaxac» (ʼautaxaỹaxan Jeremías 29:11, 12). Neʼena qaỹachaxanapecpi qomiʼ itauan nagui ra ñaloqtaʼaguet na nqalanaxacpi qataq huoʼo ra qantonaxac ra qarcuennataxac. Taqaʼen qomiʼ ỹanem ra saỹatenaqta ra ishet ra chochaq tateec ra samaxasoqchiguiñe.

2. ¿ʼEetec ra iʼaxatta aye la Biblia ca qomchiye?

Ana la Biblia iʼaxatta ra ca qomchiye na shiỹaxauapi «saishet da ileu, nataqaʼen saishet da ỹeʼeguelaxalec da nỹeetac, huoʼotaq da naʼalaqtapiguiñi, huoʼotaq da huoʼo da nquiʼic» (ʼautaxaỹaxan Apocalipsis 21:4). Qaica qome na nqalanaxacpi maye ỹoʼot ra qanqueʼejnaxac ʼenaʼam na nachoxoyec, na saỹaỹamaxañisat, na nalolaxapi qataq ra nleuaxa. Ana la Biblia ỹachaxanapec ra na shiỹaxauapi ishet ra ntonatan ra nachaalataxac chochaq tateec ca mataqaʼ ana ʼalhua.

3. ¿Négueʼt ca ʼam itauan ra ʼaupiʼiỹaʼa ra aquitaxac huetaigui ana la Biblia?

Qalota na shiỹaxauapi iuattaʼa ra qaỹaỹamaxajñe ʼenauacna, qalaxaye saishet ra itchiguiñi ra iʼamaqten ra ipacchigui reʼera. Ana la Biblia saishet ra nache ʼeetaʼam reʼera. Ishet ra seviraqaʼa ra sepiʼiỹaqaʼa na ỹachaxanapecpi ra ñimitaq «naua ñiyiguiʼshi lʼaqtaqa ñi Dios» (Hechos 17:11, TBSNT). Ra ʼanapaxaguena ana la Biblia, ishet ra ʼam maiche ʼalcaʼauʼa ra ʼaupiʼiỹaʼa ra iʼaxat anamaye ca qomchiye.

 ÑIMITAQ RA PAXAGUENAXAT

4. Ana la Biblia ỹan ra aquitaxac ca achaalataxac nalochiguiñe qataq chochaq tateec

ʼAmeten ye qanaloqchiiñi ye paguiñe aquitaxacpi huetaigui aye la Biblia. ¿Négueʼt ca ỹataqta ʼancopita? ¿Táʼaencoʼ?

Qautaxaỹaxañi na textopi qotaʼaguet neʼena aquitaxacpi qataq qaumalligui neʼena:

• ¿ʼAuʼamaqten ra neʼena textopi ỹan ra aquitaxac? ʼAcuennate na ʼarhuoʼ lʼecpi qataq ʼanauochaxauapi, ¿ishet ra itauan reʼera namayepi?

ʼAcuennataxanaxa ra nachi ʼeetec queʼeca ʼalhua qonetaña:

 5. Ra aquitaxac huetaigui ana la Biblia ishet ra noʼonaxat ra qanachaalataxac

 NA ʼAMAQTAQAIC

Ana la Biblia ỹachaxanapec qome ca achaalataxac nlaqchigui ra nlagaxayec, reʼera qomiʼ ỹanem ra aquitaxac qataq qomiʼ itauan ra qolaqta ra ñaʼañaxataqtaguet na nqalanaxacpi.

ʼAntoueetaʼac

• ¿Táʼaencoʼ na shiỹaxauapi iuen ra huoʼo ca naquitaxac?

• ¿Négueʼt ca ʼenac aye la Biblia ca qomchiye?

• ¿ʼEetec ra aquitaxac ca qomchiye ishet ra ʼam itauan nagui?