PAXAGUENAXAT 04
¿Négueʼt ñi Dios?
So chegoqchiguiña na shiỹaxauapi, namayepi ỹiʼioxoren na qalota diospi. Qalaxaye aye la Biblia iʼaxat ñi ʼoonolec Dios maye ỹataqta ltaʼaraic napacalec na laỹepi atamnaxalaʼpi (2 Crónicas 2:5). ¿Négueʼt ñi maye? ¿Qaq táʼaencoʼ napacalec ʼenauac na laỹepi diospi ỹoʼoxoreetac na shiỹaxauapi? Neʼena lección ʼanapaxaguena négueʼt ca nshetaique ni Dios ra huotaique ra ʼauaỹaten.
1. ¿ʼEetec ra lʼenaxat ñi Dios, taq ʼeetec ra saỹatenaq ra ñi maye nshetaique ra sauattonaq ra lʼenaxat?
Ñi Dios roʼogoxona aye la Biblia ra iʼaxat ra lʼenaxat: «Aiem nachaỹem Jehová. ʼEra ra iʼenaxat» (ʼautaxaỹaxan Isaías 42:5, 8, La Biblia. Traducción del Nuevo Mundo [NWT]). Ra lʼenaxat ñi Jehová chigoqchigui na hebreo, naigui «ñi maye ỹoʼot ra ʼenauac ipacchigui». Jehová nshetaique ra sauattonaq ra lʼenaxat (Éxodo 3:15, NWT). ¿ʼEetec ra saỹatenaq reʼera? Chaʼaye ñi maye nqaʼen ra qoỹirelec ra lʼenaxat aye la Biblia napacalec 7.000 veces. a Jehová nachera ra lʼenaxat ñi Dios ʼeesa, «maye iloʼogue na piguem qataq ana ʼalhua» (Deuteronomio 4:39).
2. Aye la Biblia, ¿négueʼt qomiʼ ỹapaxaguenec ra lataxac ñi Jehová?
Ana la Biblia ʼenapec ra na shiỹaxauapi ỹiʼioxoren na qalota diospi. Qalaxaye ñi ʼoonolec Dios ỹataqta ʼeesa nachiñi ñi Jehová ¿Táʼaencoʼ? Chaʼaye ñi Jehová qaica ca logaʼt ra ʼenec, «Nataỹaña ʼenauacna» (ʼautaxaỹaxan Salmo 83:18, NWT). Ñimaye «qaica ca ỹaqalanapec», reʼera naigui ra huoʼo ra lʼañaxac yaqtoʼ ỹoʼot ʼenauac cam nshetaique ra ỹoʼot. Taqaʼen Lʼonatac ʼEnauacna, ñimaye ỹoʼot «ʼenauac nam huoʼo»: na universo qataq ʼenauac nam huetalec ana ʼalhua (Apocalipsis 4:8, 11). Qataq, ñi Jehová ʼoonolec ra saxaỹet ncaʼaltauec qataq chochaq tateec ra lcaʼalaxa (Salmo 90:2).
ÑIMITAQ RA PAXAGUENAXAT
Semetenaq na ỹottaʼaʼt lʼonataxanaxacpi ñi Dios saq ʼenaʼam ra maiche lalamaxat lʼenaxat. Taqaʼen ñapaxaguenaxa ʼeetec ra qomiʼ iʼaxatem ra lʼenaxat qataq táʼaencoʼ ra nshetaique ra saỹatenaq reʼera lʼenaxat.
3. Ñi Dios qalota na lʼonataxanaxacpi, qalaxaye ʼoonolec ra lʼenaxat
Yaqtoʼ semetenaq ra saq ʼenaʼam na lʼonataxanaxacpi ca shiỹaxaua qataq ra lʼenaxat, qaumichiñi na VIDEO qataq qaumalligui neʼena:
-
¿Táʼaencoʼ ra ca nʼenaxat npeʼenguet ca nʼonataxanaxac, qaỹaloqnaxana nataxalaʼ?
Aye la Biblia iʼaxat na shiỹaxauapi ỹiʼoxoren qalota diospi qataq nataxalaʼpi. Qautaxaỹaxañi Salmo 136:1-3 qataq qaumalligui neʼena:
-
¿Négueʼt «Ñim Lataxalaʼ ʼenauac na atamnaxalaʼpi» qataq «Ñim Lataxalaʼ na nataxalaʼpi»?
4. Ñi Jehová nshetaique ra ʼauauatton ra lʼenaxat qataq ʼauʼogoxona
¿ʼEetec ra saỹatenaq ra ñi Jehová nshetaique ra ʼauauatton ra lʼenaxat? Qaumichiñi na VIDEO qataq qaumalligui neʼena:
-
ʼAm, ¿táʼaencoʼ ra ʼauamaqten ra ñi Jehová nshetaique ra qaỹauatton ra lʼenaxat?
Ñi Jehová nshetaique ra na shiỹaxauapi roʼogoxona ra lʼenaxat. Qautaxaỹaxañi Romanos 10:13 [NWT], qataq qaumalligui neʼena:
-
¿Táʼaencoʼ ra ʼamaqtaqaic ra qaiʼiogoxona ra lʼenaxat ñi Dios, Jehová?
-
ʼAm, ¿ʼeetec ca ʼananomaxa ra ʼam qaiỹaxana qaỹauotaʼa ra ʼarenaxat?
-
¿ʼEetec ca nanomaxa ñi Jehová ra ʼam ʼauʼogoxona ra lʼenaxat?
5. Ñi Jehová nshetaique ra ʼam nauochaxaua
Aso ʼalo lmaʼ ye Camboya lʼenaxat Soten, ʼenapec ra qaỹauatton ra lʼenaxat ñi Dios ỹoʼot ra huoʼo ra naigui ra nachaalataxac ca shiỹaxaua. Qaumichiñi na VIDEO qataq qaumalligui neʼena:
-
Souaxat neʼena video, ¿ʼeetec ra itauan aso Soten ra ỹauatton ra lʼenaxat ñi Dios?
Ra ʼauotaique ʼanauochaxaua ca shiỹaxaua, huaʼauñe iuen ra ʼauaỹaten ca lʼenaxat. Qautaxaỹaxañi Santiago 4:8a qataq qaumalligui neʼena:
-
¿Négueʼt ca nshetaique ñi Jehová ra ʼauʼot ʼam?
-
Ra ʼauauatton qataq ʼauʼogoxona ra lʼenaxat ñi Dios, ¿ishet ra ʼam itauan ra ʼanquigot ñi maye? ¿Táʼaencoʼ?
HUOʼO NA NASAXAUEC RA: «ʼOonolec ñi Dios, ỹoqoʼoye maichiye ca qarỹaxanaxac ra seỹaxanaxa».
-
ʼAm, ¿ʼauamaqten ra ñi Dios lʼenaxat Jehová?
-
¿ʼEetec ra ʼauʼaqtaxanem na laỹipi ra ñi Dios nshetaique ra soʼogoxonaxa ra lʼenaxat?
NA ʼAMAQTAQAIC
Jehová nachera ra lʼenaxat ñi ʼoonolec Dios ʼeesa. Ñi maye nshetaique ra sauattonaq qataq soʼogoxonaxa reʼera lʼenaxat, yaqtoʼ ishet ra qomiʼ nauochaxaua.
ʼAntoueetaʼac
-
¿Táʼaencoʼ ñi Jehová saq ʼenaʼam na laỹipi diospi ỹoʼoxoreetac na shiỹaxauapi?
-
¿Táʼaencoʼ ra iuen ra soʼogoxonaxa ra lʼenaxat ñi Dios?
-
¿Nshetaique ñi Jehová ra ʼam nauochaxaua? ¿ʼEetec ra ʼauaỹaten reʼera?
ʼAUANATA CA LỸA
ʼAnmit naua cinco napaxaguenaxac maye ỹachaxan ra huoʼo ñi Dios.
ʼAuanata táʼaencoʼ ra ỹaỹamaqchiguiñi ra saʼamaqtenaq ra ñi Dios saxaỹet ra ncaʼaltauec.
«¿Négueʼt ca ỹanem ra ncaʼalaxa ñi Dios?» (La Atalaya, 1 de agosto de 2014)
ʼAmeten táʼaencoʼ seuenaq ra soʼogoxonaxa ra lʼenaxat ñi Dios naiʼctaxa ra saq saỹajnaq ʼeetec ra qanasaxauec coʼollaxa.
¿Huoʼo ca naigui ʼeetec ra seỹaxanaxa ñi Dios? ʼAmeten táʼaencoʼ ra shenqapec ra ñi Dios ʼoonolec ra lalamaxat lʼenaxat.
a Ye apéndice A4 huetalec La Biblia. Traducción del Nuevo Mundo ʼauanata ca laỹipi nʼaqtaxanaxac souaxat ra naigui ra lʼenaxat ñi Dios qataq táʼaencoʼ huoʼo ana Bibliapi ra saishet ra netalec reʼera nʼenaxat.
