PAXAGUENAXAT 07

¿Ca ʼeetec ra lataxac ñi Jehová?

aỹeglaxattague

¿ʼEetec ca ʼananomaxa ra ʼacuennataxana ñi Jehová? ¿ʼAnqaʼen ra ỹataqta ltaʼaraic ra lʼamaqchec, qalaq ỹataqta qaỹoqta ʼeetaʼam aca huaqajñepi? ¿Qoʼ ʼacuennate ra ỹataqta ʼañaxaic qalaxaye qaica ca lataxac, ʼeetaʼam ca laʼat ltaʼaraic? ¿ʼEetec ra ỹoqta lataxac ñi Jehová? Aye Lʼaqtac, la Biblia, ñi Jehová qomiʼ ỹachaxanalo naua lataxaco qataq ra ỹataqta ʼam ỹoqochaʼa.

1. ¿Táʼaencoʼ ra saq sishetaq ra selaqaʼa ñi Dios?

«Ñi Dios, ñimayi saq chaʼa» (Juan 4:24, TBSNT). Ra lʼoquiaxac ñi Jehová qaica ca lapachaxac qataq lpiʼineqa. Ñimaye saq chaʼa maye lmaʼ ye piguem.

2. ¿Négueʼt naua lataxaco ñi Jehová?

Saq sishetaq ra selaqaʼa ñi Jehová. Qalaxaye ra sauattonaq nache ỹoʼot ra sauotaxac, chaʼaye ñimaye ỹoqta ʼen qataq huoʼo naua ʼonaxaiqa lataxaco. Aye la Biblia ʼenapec: Ñi Jehová «ỹauotec da nalochiguiñi lataxac, qataq saishet da caʼai ca quetegue Ñimaye» (Salmo 37:28). Taqaʼen «ỹataqta soxoraic qataq choxonnataxanaxaic», ỹachaxana reʼera lataxac nam huoʼo ra nqueʼejnaxac (Santiago 5:11, TBSNT). Ñi Jehová «saqaỹapeque naqaʼen ca qaica ca laʼañaxac da lquiyaqteỹaxac, qataq ncaʼalaxatec ca mashe qaica ca naquitaxac» (Salmo 34:18). Qaq, ¿ʼauaỹaten ra ishet ra ñaqaʼenaq machiguiñi qoʼ sa iʼamaxañe ñi Jehová souaxat na soʼotaq? Ca shiỹaxaua ra lcaʼauaʼa ra ỹoʼot na saỹaỹamaxañi nache iʼotec ra nquiʼic ñimaye (Salmo 78:40, 41). Qalaxaye ca shiỹaxaua ra ỹoʼot na ỹaỹamaqchiguiñi nache nqaʼen ỹataqta machiguiñi ñimaye (ʼautaxaỹaxan Proverbios 27:11).

3. ¿ʼEetec ra ỹachaxan ñi Jehová ra qomiʼ ỹauoteque?

Ra lataxac ỹactec ra ʼamaqtaqaic ñi Jehová nachera ra lauotaxanaqtaic. Ỹoqoʼoye aye la Biblia ʼenapec ra ñi Dios saishet ra ndotec huetoʼot ra lauotaxanaqtaic, ʼenapec ra nachiñi «Ñimaye huotaxanaqtaqaic» (1 Juan 4:8). Ñi Jehová qomiʼ ỹachaxana ra lauotaxanaqtaic ỹauotaʼa ana la Biblia qataq na yoʼoqchigui lʼonatacpi (ʼautaxaỹaxan Hechos 14:17). Qaỹaloqnaxana, ʼacuennataxana ʼeetec ra qomiʼ ỹoʼot. Qomiʼ ỹanem ra ishet ra selaqaʼa na ʼonaxaic nʼoxoỹaxacpi qataq ra ñitonaqtapeguec na nʼonecpi qataq na ama nallecpi. Ñimaye huotaique ra ñitonaqtapeguec ra ncaʼalaxa.

ÑIMITAQ RA PAXAGUENAXAT

Semetenaq négueʼt ca roʼogoxona ñi Jehová ra ỹoʼot na huoʼo ra naʼaalaxa. Ime, nache ñapaxaguenaxa ʼeetec ra ỹachaxan naua ʼonaxaiqa lataxaco.

4. So espíritu santo: nʼañaxac lalamaxat ñi Dios ra huoʼo na ỹoʼot

Qomiʼ soʼogoxonaxa naua qarhuaxayel ra soʼonataxanaq, qaq ñi Jehová roʼogoxona so espíritu santo. Ana la Biblia saishet ra iʼaxat ra so espíritu santo shiỹaxaua, ndaʼ ra nachena na nʼañaxac roʼogoxona ñi Dios ra ỹoʼot ʼenauacna. Qautaxaỹaxañi Éxodo 31:3 taq Lucas 11:13, qataq qaumalligui neʼena:

Ñi Dios ỹanaigui ra lalamaxat espíritu santo na shiỹaxauapi qataq ỹanem nam iỹaxanot Ñimaye. Ỹoqoʼoye, ¿ʼarcuennataxac ʼam ra so espíritu santo shiỹaxaua, qoʼ nʼañaxac lalamaxat ñi Dios ra huoʼo na ỹoʼot? ¿Táʼaencoʼ ra nachi ʼeetec ra ʼarcuennataxac?

Ñi Jehová roʼogoxona so espíritu santo yaqtoʼ ỹoʼot na huoʼo ra naʼaalaxa. Qautaxaỹaxañi Génesis 1:2 taq 2 Pedro 1:20, 21, qataq qaumalligui neʼena:

Ñi Jehová, ¿ʼeetec ra roʼogoxona so lalamaxat espíritu santo?

5. Naua lataxaco ñi Jehová qomiʼ naueguelaʼt

So Moisés roʼonataxateecot ñi Dios. Naiʼctaxa reʼera, huotaique ra nquiguec ra ỹauatton ñim Iʼotapecna. Ỹoqoʼoye so Moisés ʼenapec: «Aỹem ʼauaỹaanaxanaxanec ca huotaique ʼauoʼotpi, yaqtoʼ ishet ra ʼam sauatton» (Éxodo 33:13, NWT). Ñi Jehová ỹasateguet so raʼaqtaxanem caua lataxaco ñimaye. Qautaxaỹaxañi Éxodo 34:4-6 qataq qaumalligui neʼena:

¿Négueʼt naua lataxaco ñi Jehová iʼaqtaxanem so Moisés?
¿Négueʼt naua lataxaco ñi Jehová ỹactec ra ʼam naueguelaʼt?

6. Ñi Jehová ỹoqochaʼa na shiỹaxauapi

So hebreopi, toxoshec npueblo ñi Dios, nlatacpi ye Egipto coʼollaxa. ¿ʼEetec ra nanomaxa ñi Jehová so ilotaʼa ra nqueʼejnaxac so npueblo? Qanʼaxaỹaxañiỹa na AUDIO qataq qauallitegue na lectura, qoʼ ndotec qautaxaỹaxañi Éxodo 3:1-10. Ime nache qaumalligui neʼena:

AUDIO: Ñi Jehová iuet so ilotaʼa ra nqueʼejnaxac so npueblo (2:45)

Neʼena nʼaqtaguec, ¿négueʼt ca ʼam ỹapaxaguenec ra nanomaxa ñi Jehová ra ilotaʼa na nqueʼejnaxac na shiỹaxauapi? (Qaumichiñi ye versículos 7 taq 8).
¿ʼAuʼamaqten ra ñi Jehová nshetaique ra itauan na shiỹaxauapi? ¿ʼAuʼamaqten ra ishet ra ỹoʼot reʼera? ¿Táʼaencoʼ ra nachi ʼeetec ra ʼarcuennataxac?

7. Na nʼonatacpi ỹachaxan na lataxacpi ñi Jehová

Ñi Jehová roʼogoxona na lʼonatacpi yaqtoʼ qomiʼ ỹapaxaguenec na lataxac. Qaumichiñi na VIDEO. Ime nache qautaxaỹaxañi Romanos 1:20 qataq qaumalligui neʼena: