Qalota na shiỹaxauapi ra iuennataʼa so Jesús nache iʼamaqten ra ʼoshaic choxoraicqolec, profeta ỹajnaxanaxaic qoʼ shiỹaxaua ileetapiguiʼ. Qalaxaye, ¿ishet petaʼa ra ỹactec ra sauattonaq somaye ra ñapaxaguenaxa na ỹoʼotacpi coʼollaxa huetalec ana ʼalhua? Neʼena paxaguenaxat ñimitaq so ʼamaqtaqaic ỹoʼotacpi so Jesús qataq ʼeetec reʼera ʼam itauan.

1. ¿Négueʼt so ỹactec ra ʼamaqtaqaic ỹoʼot so Jesús?

So Jesús iʼaxat so ʼamaqtaqaic ỹoʼot: «Saʼaxatem ʼenauac na shiỹaxauapi neʼena ʼalhua da noʼon naʼaxaỹaxac maye ỹaʼaxat da loʼonataxanaxac Ñimaye» (ʼautaxaỹaxan Lucas 4:43). Somaye iʼaxatec ra noʼon nʼaxaỹaxac maye nachera ra ñi Dios ỹoʼot ca lʼonataxanaxac qoʼ gobierno yaqtoʼ ỹaỹamaxajñe na nqalanaxacpi na shiỹaxauapi. a Napacalec soua tres na viʼiyel ra so Jesús imattalec ra lʼañaxac ra iʼaxatec reʼera ʼonaxaic nʼaqtaxanaxac (Mateo 9:35).

2. ¿Táʼaencoʼ ra so Jesús ỹoʼot so naʼaalaxapi?

Aye la Biblia iʼaxat so qalota «ỹoʼot nam ỹoʼot da naʼaalaxa qataq nam sa qaỹauanapega qataq nam naʼanecpi maye qamiʼ huanguilo da ỹoʼot naqaʼen Somaye [so Jesús] Ñim Loʼonatac ʼEnauacna» (Hechos 2:22). Souaxat ra lʼañaxac ñi Dios, so Jesús ỹaʼaxaneguet so laʼat ltaʼaraic, iquiʼaxan so qalota shiỹaxauapi, nataren na sa noʼonpi qataq taqaʼen ishet ra ncaʼalaxatec som mashe ileu (Mateo 8:23-27; 14:15-21; Marcos 6:56; Lucas 7:11-17). So naʼaalaxapi ỹoʼot so Jesús ỹachaxan ra ñi Dios nacheñi ñim namaq. Taqaʼen ỹachaxanapec ra ñi Jehová huoʼo ra lʼañaxac yaqtoʼ ỹaỹamaxajñe ʼenauac na qanqalanaxacpi.

3. ¿Négueʼt ca qomiʼ ỹapaxaguenec ra lataxac so Jesús?

So Jesús saxaỹet ra ỹalaxaguet ñi Jehová (ʼautaxaỹaxan Juan 8:29). Naiʼctaxa ra ncanaguec qataq ra iviraʼa ra ileu, so Jesús saxaỹet ra ỹoʼot ra ʼeetapeguec ñi Ltaʼa. Ỹachaxana na shiỹaxauapi ra ishet ra roʼonataxanot ñi Dios naiʼctaxa ra huaigui na nqalaicpi. Nache so Jesús ʼenapega som ndiscipulopi ʼeetaʼ: «Aỹim qamiʼ sachaxanalo deʼeda, [...] yaqtoʼ qamiʼ ishit da qauloilec da qauʼochi deʼeda qamiʼ soʼoteque» (Juan 13:15, TBSNT).

 6. So Jesús ỹoʼot so naʼaalaxapi

Ñi Jehová ỹanem so Jesús ra lʼañaxac yaqtoʼ ishet ra ỹoʼot so qalota naʼalaxapi. Yaqtoʼ ishet ra ʼameten ca ʼoonolec, qautaxaỹaxañi Marcos 5:25-34 qoʼ qaumichiñi na VIDEO. Ime nache qaumalligui neʼena:

• Souaxat neʼena video, ¿négueʼt ca iʼamaqten asaʼaso ʼalo sa noʼon?

• ¿Négueʼt ca ỹataqta ʼauʼaalac seʼeso naʼaalaxa?

Qautaxaỹaxañi Juan 5:36, qataq qaumalligui neʼena:

• ¿Négueʼt ca «ỹoqta ichoxot» qoʼ ỹachaxanapec so naʼaalaxapi ỹoʼot so Jesús?

 NA ʼAMAQTAQAIC

So Jesús iʼaxatec ra Lʼonataxanaxac ñi Dios, ỹoʼot so naʼaalaxapi qataq saxaỹet ra ỹalaxaguet ñi Jehová.

ʼAntoueetaʼac

• ¿Négueʼt so ỹactec ra ʼamaqtaqaic ỹoʼot so Jesús so huetalec ana ʼalhua?

• ¿Négueʼt ra ỹachaxan so naʼaalaxapi ỹoʼot so Jesús?

• ¿Négueʼt ca noʼon paxaguenaxatpi ỹan so Jesús?