Ỹataqta qalota na shiỹaxauapi ʼenapec na cristianopi. Qalaxaye huoʼo na saishet ra ʼenʼaʼt na lʼamaqtenaxacpi qataq na nʼonataguecpi. Ỹoqoʼoye, ¿ʼeetec ishet ra saỹatenaq négueʼt ca ʼeesa cristianopi?

1. ¿Négueʼt ca ʼeesa cristiano?

Na cristianopi nachena na ndiscipulopi qoʼ lʼonataxanaxanecpi so Jesucristo (ʼautaxaỹaxan Hechos 11:26). ¿ʼEetec ra ỹachaxan ra ʼeesa quetagueʼ somaye? So Jesús ʼenapec: «Qamiʼ qom ỹataqta qauoʼoche deʼera qamiʼ saʼaxatema, nache ỹoqta ʼeesa da qamiʼ ỹapaxaguenataqa» (Juan 8:31). Reʼera naigui ra na ʼeesa cristianopi iuen ra ỹalaxaguet na lapaxaguenataxanaxacpi so Jesús. Na lʼamaqtenaxacpi na ʼeesa cristianopi huetalec ana la Biblia ʼeetaʼam ra lapaxaguenataxanaxac so Jesús nanettalec ra lʼaqtac ñi Dios (ʼautaxaỹaxan Lucas 24:27).

2. ¿ʼEetec ra ỹachaxan ra nsoxoyec na ʼeesa cristianopi?

So Jesús ỹamaxalec so ndiscipulopi ʼeeta: «Ñi ʼoonolec da qoñiita ỹataqta ỹauotec ca lỹa, ʼeetaʼam da ʼeetec da ỹataqta qamiʼ sauoteque» (Juan 15:12). ¿ʼEetec ra ỹachaxana so Jesús ra ỹauotec so ndiscipulopi? Netaʼagueta, iʼañaqchet taq itauan qataq iviraʼa ra ỹan ra nachaalataxac souaxat somayepi (1 Juan 3:16). ʼEnaʼam so Jesús, na ʼeesa cristianopi saisheto ra choche iʼaxat ra nsoxoyec, taqaʼen ỹachaxana ñi ʼoonolec ra ỹauotaʼalo naua lʼaqtaqa qataq na ỹoʼotpi.

3. ¿Négueʼt ca ʼamaqtaqaic ỹoʼot na ʼeesa cristianopi?

So Jesús ipatanaʼaguet ra nʼonataxanaxac som ndiscipulopi, «da ỹaʼaxatreʼc da noʼon naʼaxaỹaxac dam loʼonataxanaxac Ñim Loʼonatac ʼEnauacna» (Lucas 9:2). So huaʼauchiguiñe cristianopi saishet ra ndaʼ so ñoxorenqa ra iʼaxat ra nʼaqtac, taqaʼen iʼaqtaxanem nam huetaʼa na shiỹaxauapi qataq na lmaʼpi namayepi (ʼautaxaỹaxan Hechos 5:42; 17:17). Nagui naua naʼaxaʼte na ʼeesa cristianopi taqaʼen iʼaxat na huetalec ana la Biblia huaña camachaqca huetaʼa na shiỹaxauapi. Ye ỹauotec ca laỹipi nqopita ra roʼogoxona ra lraqaʼ qataq ra lʼañaxac ra iʼaqtaxanem ra aquitaxac taq naʼañaqtaxanaxac huetalec ana la Biblia (Marcos 12:31).

 ÑIMITAQ RA PAXAGUENAXAT

4. Nmitaique ra ʼeesa huetalec aye la Biblia

5. Iʼaxateec na ʼeesa huetalec aye la Biblia

6. Ipaquejlec na iʼaxateec

¿Négueʼt ca ỹoʼot ra so ỹale lʼenaxat Tom ỹataqta iʼamaqten ra ỹanata na ʼeesa cristianismo? Qaumichiñi na VIDEO qataq qaumalligui neʼena:

• Souaxat so video, ¿négueʼt ca saq lauela so Tom na nʼamaqtenaxacpi?

• ¿Táʼaencoʼ so Tom ỹataqta iʼamaqten ra ỹanata na ʼeesa?

Na qanasaxauecpi iuen ra qaipaquejlec. Qautaxaỹaxañi Mateo 7:21 qataq qaumalligui neʼena:

• ¿Négueʼt ca ʼamaqtaqaic nqaʼen so Jesús: ra ñasaxasoxouec na saʼamaqtenaq qoʼ ra sachaxanaq sauoqtaʼa na soʼotacpi?

7. Ỹataqta nauotaʼt

• Na lapaxaguenataqa so Jesús na ʼeesa cristianopi, ¿ʼeetec ra iloʼoguet na shiỹaxauapi ca lỹa raza qoʼ país?

• ¿ʼEetec ra ỹachaxan ra lsoxoyec ra huoʼo ca alaataxac?

 NA ʼAMAQTAQAIC

Na ʼeesa cristianopi quegue ra lapaxaguenataxanac huetalec aye la Biblia, lhuotta ra itauan ca laỹipi chaʼaye ỹauotec qataq iʼaxateec na ʼeesa huetalec aye la Biblia.

ʼAntoueetaʼac

• ¿Huáʼague ca ỹachigoxotaigui na lʼamaqtenaxacpi na ʼeesa cristianopi?

• ¿Négueʼt ca ʼamaqtaqaic nataxac ỹachaxan na ʼeesa cristianopi?

• ¿Négueʼt ca lʼonataxanaxac ỹoʼot na ʼeesa cristianopi?