¿Masheye ñaỹamaxatta?
¿Masheye ñaỹamaxatta ra iỹatac na qarqaỹañecpi añi congregación ra saʼaxat ra nʼaqtac?
ʼAm ishet ra masheye ʼanaỹamaxatta ra ʼam nʼaqtaxanaxanec saxanaxa ra ʼanachel ra...
... saxaỹet ʼanapaxaguena ana la Biblia, ʼanatamen taq ʼauʼa na naponaxacpi añi la congregación.
... ʼauʼamaqten taq ʼauʼot ra naigui na ʼanapaxagueetega taq huotaique ra ʼauaqtaxanem na laỹipi reʼera.
... ʼauauotec ñi Jehová taq ʼanmittaique na auochaxauapi maye ỹauotec taqaʼen ñimaye.
... masheye ra ʼaualat camachaqca organización naʼattaguet na política qoʼ nʼamaqtenaxac saq ʼeesa.
... ʼaualaxaguet na lqataxacpi ñi Jehová ra ʼanachaalataxac taq ʼaryaxa ra ʼam testigo de Jehová.
Ra ʼauʼamaqten ra masheye ʼanaỹamaxatta yaqtoʼ ʼauʼaxat ra nʼaqtac ʼarỹatac añi la congregación, nache ca ʼam ỹapaxaguetac ana la Biblia naỹamaxateʼ na ancianopi yaqtoʼ namayepi ʼam remalli, remalligui ra ʼapaquejlec nam qaiỹaxanaiquepi.
¿Masheye ñaỹamaxatta yaqtoʼ ñachel?
ʼAm ishet ra masheye ʼanaỹamaxatta ra ʼanachel ra...
... ʼam nʼaqtaxanaxanec saxanaxa ra ʼanachel.
...saxaỹet ra ʼauʼaxat ra nʼaqtac taq cam ishet ra ʼanalotauʼa.
... ʼautauan na «nlatac da ỹataqta ipactelec ca lʼonatac qataq huoʼo na ỹaỹaten», taq ʼaualaxaguet na lqataxacpi namaye (Mateo 24:45-47, TBSNT).
... ʼauʼot ca ʼatamnaxac yaqtoʼ ʼanañanot ñi Jehová taq ʼaryaxa ra chochaq tateec ra ʼauʼonataxanot.
Ra ʼauʼamaqten ra ʼanaỹamaxatta yaqtoʼ ʼanachel, nache ca ʼam ỹapaxaguetac ana la Biblia naỹamaxate na ancianopi yaqtoʼ namayepi ʼam remalli, remalligui ra ʼapaquejlec nam qaiỹaxanaiquepi.
