Na noʼon qanauochaxauapi ỹoʼot ra ỹataqta samaxasoqchiguiñi. Qataq ra ltaunaxanaxac qomiʼ iʼañaqchet qom huoʼo ra qanquiʼic. Qalaxaye maxatchaxa, chaʼaye aye la Biblia ʼenapec ra saishet ra ʼenauac na shiỹaxauapi noʼon auochaxaua. Nache, ¿ʼeetec ishet ra ʼalcaʼauʼa na ʼanauochaxauapi? ʼAnmit neʼena nnataxacpi.

1. ¿Négueʼt ca iʼotec ʼam na ʼanauochaxauapi?

Qomiʼ shenaqtaʼam ra lataxac na shiỹaxauapi salegaqtaʼaguet, qauem ra lataxac qoʼ noʼon ra lataxac. Qaq ʼera nache ʼeetec ra yoʼoqchigui ra salegaqtaʼaguet qoʼ na redes sociales. Aye la Biblia masheye iʼaxat ra: «Ca sa iỹotec na ỹaanaxanaxaicpi qalaq nataqaʼen ỹaanaxanaxaic, qaq ca sa iỹotec na qaica ca ỹaỹaanapec [shiỹaxauapi maye saishet ra ỹauotec ñi Jehová] qalaq taỹaʼa da deqat» (Proverbios 13:20). Na auochaxauapi ỹauotec taq ỹiʼoxoren ñi Jehová ishet ra ʼam itauan ra ʼanquigot ñimaye taq noʼon ca ʼalcaʼauʼapi ra ʼauʼot. Qalaxaye ʼam ra saishet ra iʼotec na shiỹaxauapi paʼatauec añi la congregación, ishet ra ʼaviraʼa ra ʼaualat ñi Jehová. Ỹoqoʼoye ana la Biblia qomiʼ ỹanem ra lqataxac ra noʼon ra llicaʼaxagui na qanauochaxauapi. Ra na qanauochaxauapi taqaʼen ỹauotec ñi Dios ʼenauac qomiʼ huoʼo ra qanʼachiquiaxac. Qaq nache ishet ra salaxasoxoguet neʼena nqataxac: «Qantauñiỹaʼt, qataq ñi ʼoonolec ỹaʼañaqchet ca lỹa. Qaq deʼera mashe qauoʼocheetac, nachera qoquiitoʼot» (1 Tesalonicenses 5:11).

2. ¿ʼEetec ra lquiyaqteỹaxac ñi Jehová ra ʼalcaʼauʼa na ʼanauochaxauapi?

Ñi Jehová noʼon ra lcaʼauʼa na shiỹaxauapi nauochaxauapi. Nache «nauochaxaua ca noʼon da lataxac» (Proverbios 3:32). ¿ʼEetec ra lquiyaqteỹaxac ñi Jehová ra saq seỹotaxauec na saq ỹauotec ñimaye? ¡Ỹataqta saq lauela! (ʼAutaxaỹaxan Santiago 4:4). Qaq ra sevitaqaʼaguet na qauem auochaxaua taq ñiquigoqoʼot ñimaye taq na ỹauotec, ñi Jehová machiguiñi taq qomiʼ nauochaxaua (Salmo 15:1-4).

 ÑIMITAQ RA PAXAGUENAXAT

4. Ishet ra noʼon ra qanauochaxauapi na ỹottaʼaʼt shiỹaxauapi

Aye la Biblia iʼaxat so David taq Jonatán, ỹaleʼt lmaʼ ye Israel coʼollaxa. Naiʼctaxa ra ỹottaʼaʼt na lalogaxa taq ra lliquiaxac, ỹataqta auochaxauʼ soua maye. Qautaxaỹaxañi 1 Samuel 18:1 qataq qaumalligui neʼena:

• ¿Táʼaencoʼ ra saishet ra iuen ra qaralogaxauaʼa taq ʼenaʼam ra qoyiquiaxac ca qanauochaxauapi?

Qautaxaỹaxañi Romanos 1:11, 12 qataq qaumalligui neʼena:

• ¿ʼEetec ra ntaunaʼt na auochaxauapi ỹauotec ñi Jehová?

¿ʼEetec ra ỹanata na auochaxauapi so nsoq huaña so saq lcuennataxa ra huetaʼa? Qaumichiñi na VIDEO qataq qaumalligui neʼena:

• ¿Táʼaencoʼ ra ihuogoxoqchet soua ltaʼal so Akil ra somaye nauochaxauapi so leraxanaxauapi?

• So chetaʼague, ¿táʼaencoʼ so Akil ra lauela seʼeso auochaxauapi?

• ¿Négueʼt so ỹoʼot yaqtoʼ saishet ra ʼoonolec?

 5. ʼEetec ishet ra ʼauanata ca noʼon auochaxauapi

 NA ʼAMAQTAQAIC

Ra noʼon ra llicaʼaxauʼa na qanauochaxauapi, huoʼo na qanʼachiquiaxacpi taq ñaqaʼenaq machiguiñi ñi Jehová.

ʼAntoueetaʼac

• ¿ʼEetec ra lquiyaqteỹaxac ñi Jehová ra llicaʼaxauʼa na qanauochaxauapi?

• ¿Négueʼt ca auochaxauapi iuen ra sevitaqaʼaguet?

• ¿ʼEetec ʼam ishet ra ʼauanata ca shiỹaxauapi ỹataqta noʼon nauochaxauapi?