ʼEnauac seuenaq ana plata yaqtoʼ ishet ra sañaxaeʼ ca lhuenaxanaxa ye qarmaʼ (Proverbios 30:8). Reʼera nache ʼeetec, chaʼaye «aca anom, ʼeetaʼam aca npaqtaxanaqte» (Eclesiastés 7:12). Huoʼo naxa ra lqalaic ra qaitaxaỹapigui ana plata, qalaq sa ʼanasheneguet ra ỹoʼotec ca lqalanaxac ca ʼarhuaỹaxac (Efesios 4:​32). Qaviñi ra qanʼamaqchiñiỹaʼt taq qanaỹachiñiitaʼt ca qoñiitec ra qauʼogoxoñiỹa aca plata.

NA ʼENAC AYE LA BIBLIA: «Huoʼo ca ʼoonolec da qoñiita da nshetaique da noʼoxoosheguem aca naue, qaq ¿saishet petaʼa da ỹaʼauaxaañi da nsoʼooñi da naloqten da huoʼotaq nalotelec aca lasheue queʼeca ỹoʼot?» (Lucas 14:28.) Ỹataqta ʼamaqtaqaic ra qanaỹachiñiitaʼt ʼeetec ra qamiñi aca qoromi (Amós 3:3). Qamichiñi négueʼt ca qaviñi ra qaishejnaxaneua qataq lcata aca ishet ra qaimen (Proverbios 31:16). Ra lcaʼapec aca qoromi, sa ishet nqaʼen ra rshiguiapigui na qarhuaxayilliʼ. Qavichiỹaʼaguet ra qauavigaqtaxañi. Ndotec ra qamiñi aca qoromi maiche qanaloitalec (Proverbios 21:5; 22:7).

RA ISHET RA ʼAUʼOT:

• Ra mashe qashejnaxañiỹa ʼenauac na qaviñi, qanʼaqtaxañiỹaʼt négueʼt ca qauʼochi ra huoʼo aca qayiʼiỹoqchi

• Ra sa qanaloilec, nache qanʼaqtaxañiichigui yaqtoʼ viʼiiguet ra qarshejnaxanaxac. Qashichi ra maiche qauʼochi ca qoʼoqoi ye ʼarmaʼ yaqtoʼ sa qaushejnaxañiỹa na qaimeetac

NA ʼENAC AYE LA BIBLIA: ʼAm ʼeesa, «saishet da sauoqtaique da nachaqñita Ñim Loʼonatac ʼEnauacna da qomiʼ ỹauaachiguilo, maye nataqaʼen na shiỹaxauapi» (2 Corintios 8:21). ʼAm ʼeesa ra qonapega ca ʼaramoxoua lcata aca ʼaraueque taq aca ʼamen.

Ra huoʼo ca ʼauʼot ʼamaqtaqaic aca ʼom, saxaỹet ra ʼanat ca ʼaramoxoua (Proverbios 13:10). Ra qanʼaqtaxañiichigui aca plata ỹoʼotec ra nache ʼeetaiʼ ra huoʼo ra nlagaxayec ye qarhuaỹaxaqui. Aca ʼaraueque lalamaxat ca ʼarmaʼ, sa ishet ra ʼamta (1 Timoteo 5:8).

RA ISHET RA ʼAUʼOT:

• Qancoyiguiñitaʼt lcata ca ishet ra qamiñi naiʼctaxa ra sa ʼanataxan

• Sa ʼauataʼa ra huoʼo ca nqalanaxac ana plata yaqtoʼ qanʼaqtaxañiỹaʼt