Ỹataqta ỹaguec ra lyac ra qanauochaxaua Ñi Dios. Ñi Dios am ỹapaxaguenec ra auanata ca antonaxac qataq ishet ra am ntel’a; ñi maye ishet ra am isoueguesop ca saq ‘eesa naỹajnec qataq nataqa’en am isoueguesop nam qauem ‘onataguecpi. Qataq naỹaxana ra qanatamnaxac. Qomi ỹanema cam ỹataqta machiguiñi qarcuenataxac (Salmo 71:5; 73:28). Ñi Dios qomi itaua’n ra souaqaigui ca lcheq (Salmo 18:18). Qataq’en, Ñi Dios huo’o ra lachetaqtaxanaxat, chochac tateec achaalataxac (Romanos 6:23).

Ra ñimitaqaỹque Ñi Dios, nache taqa’en sanataxa na lauochaxauapi Ñi maye. Na lauochaxauapi Ñi Dios nataqa’en ishet ra ivira’a ra anauochaxauapi. Nache arqaiañecpi. Na mayepi ltaraic ye ntonaguec ra am ỹapaxaguenec ra l’aqtac Ñi Dios, qataq am qaitauan qataq am qai’a ñaqchet.

Sa ishet ra shenaqta’am Ñi Dios. Ishet ra qanauochaxaua Ñi Dios, qalaxaye, sa ishet ra nache ico’ ‘ena’am ra anauochaxaua ca maiche arỹa. Cha’aye ñi maye qomi napacaleguete ra laỹajnec qataq salaxaic ra lañaxac taq qaica ca loga’t nam vii’iyi ñi maye. Nachacñita ‘onolec huo’o ra ‘enec cha’aye ima’a’t ra nta’a. Ỹoqo’oye, ra sauotaique ỹataqta qanauochaxaua ñi maye, hua’qaq ñaaxaỹaxanaxa qataq so’otaq ca iỹaxataque. Ra salaxasoxoguet Ñi Dios nache saq ỹet ra no’on ca qoyiquiaxac (Isaías 48:18).