Ñi Jehová sa ishet ra ỹauacta’a na yiloxoicpi ra ỹoltaq nlaxajñi ye Mataqa’. Nachaqnata na nauochaxauapi Ñi Dios ra netalec ye Mataqa’. Qalaxaye ¿cam qoỹeteco’ na yiloxoicpi? Ra huotaique auaỹaten nache semetenac ra lataxac so Noé. So maye no’on ra lataxac cha’aye ỹataqta huotaique ỹo’ot ra ‘enapec Ñi Jehová. Qalaq so shiỹaxauapi ỹo’ot na qauem ‘onataguecpi. Nache Ñi Jehová ‘enapega so Noé ra huotaique namaxañe ca auot ltaraic nache nlaxalec ‘enauac ana a’lhua ca ‘etaxat lta’a yaqto ileu na yiloxoicpi. Nache qaỹamaxalec so maye ra ỹo’ot aso arca nache lcalaxaqui ra nvi’ so ‘etaxat lta’a (Génesis 6:9-18).

So Noé qataq so llalaqpi ỹo’ot aso arca. So maye co’ollaxa nache recoyeguenataxatac ra huo’o qome ca ‘etaxat lta’a qalaxaye sa qaỹamacten so maye, nache so shiỹaxauapi ñaq jec ra qauem n’onataguec. Qaq co’ollaq imat aso arca nache inoxonaqcheteuo so shiguiỹacpi qataq so llalaqpi so maye. Nache Ñi Jehová namaxañe so auot lta’a, so auot iviraxatreec soua cuarenta na’axa’te nache ipaxaalec ana a’lhua (Génesis 7:7-12).

 So yiloxoicpi ilem so ‘etaxat lta’a. Ñi Jehová co’ollaxa huo’o so ‘etaxat lta’a nache ntela’a ra nachaalataxac so Noé qataq so llalaqpi so maye, qaq co’ollaq ‘imñe so ‘etaxat nache ana a’lhua no’oitelec cha’aye mashe ileu so shiỹaxauapi qauem ra n’onataguec (Génesis 7:22, 23). Aye la Biblia ‘enapec ra huo’o qome ca na’ac lalocnec Ñi Jehová ra ỹoltaq nlaxajñi na shiỹaxauapi yiloxoic. Qaq na shiỹaxauapi ỹataqta ỹalaxaguet Ñi Dios, hua’qaq nache ‘eetai ra nachaalataxac ra huetalec ana ana a’lhua (2 Pedro 2:5, 6, 9).

Nagui, qalota na shiỹaxauapi taqa’en qauem ra n’onataguec. Nagui Ñi Jehová nataqa’en huo’o na N’testigopi ñi maye, na mayepi ỹataqta icoyeguen na shiỹaxauapi ra ỹalat ra qauem n’onataguec, qalaxaye huo’o na sa ỹalaxaguet ra l’aqtaq Ñi Jehová, nache huo’o na saỹalat ye qauem ‘onataguec. Nache ¿Cam ‘eteco’ ca aloic ca saỹalat ye qauem ‘onataguec? ¿Ỹalato’ ye qauem ‘onataguec? Qalota qome na saỹalat ye lataxac. Nagui mashe naye’etauo ra qanlaxajñi na shiỹaxauapi yiloxoic (Salmo 92:7).

Ana ana a’lhua sa ishet ra qanlaxajñi; cha’aye ‘enauac ana maye nache qaỹo’ot ca mataqa’. Na nauochaxauapi Ñi Dios nache chochaq tateec ra nachaalataxac ra netalec ye Mataqa’ ne’ena a’lhua (Salmo 37:29).