Re’era nleuaxa sa ishet ra ‘eeta’am re’era achaalataxac. Re’era nleuaxa nache qaỹaloqnaxana ca n’ochaxa (Juan 11:11-14). Na leuaxaicpi nache sa ishet ra huo’o ca nomtexa huo’otaq qaỹaqtexa ra huo’o ca ỹaxattac (Eclesiastés 9:5, 10). Qalota na shiỹaxauapi ỹamaqten ra qaỹaxatac ra huo’o ca huetague na leuaxaicpi qataq ishet ra machaqca qaỹo’ot, qalaxaye aye la Biblia sa ishet ra lapaxaguenataxanaxac re’era.

Na leuaxaicpi sa ishet ra qomi itaua’n huo’otaq qomi iqolaue’n. Qalota na shiỹaxauapi nache ñeetexa na leuaxaicpi ỹoqoye huo’o na irouxa na aloq huo’otaq nache iquiarelec ca mashe qaica. Qalaxaye re’era ‘onataguec saỹaỹamaxaren Ñi Dios cha’aye nache lapaxaguenataxanaxac so Satanás. Sa ishet ra huotaique alotaque ra anmanot ca mashe ileu cha’aye nachacñita Ñi Dios ra sauoctaique ra ñachoxorenaqtacot (Mateo 4:10).

Na leuaxaicpi nache ncale’ec qome. Ñi Jehová qataq ncalaxatecpi qome na leuaxaicpi yaqto taqa’en nalec ye mataqa’ ne’ena a’lhua (Juan 5:28, 29; Hechos 24:15). Ñi Dios ishet nloxonaxachetec ca shiỹaxaua mashe ileu nache ‘eeta’am ra ñoqotoxonac ca roocheta (Marcos 5:22, 23, 41, 42).

Qalota na shiỹaxauapi ỹamaqten ra latenataxanaxac so Satanás ra qaỹaxatac ra huo’o ñi ileu nache qoỹetexa ra huo’o ca hueta’ague. So Satanás qataq na demoniopi huotaique ra qaỹamaqten re’era qaỹaxatac ra huo’o ca hueta’ague na leuaxaicpi nache ishet ra ñiiguelaxauo nache iquelaxat na ñaq ncaaltaicpi. So Satanás ra huotaique qomi ỹatenachet nache rogoxona ra qarchoxonaxac nache ishet ra ico’ taq selaqa’a ca mashe qaica. Ỹoqo’oye Ñi Jehová saỹaỹamaxaren ra huo’o ca huotaique inat huo’otaq nauegueuo na lqui’ipi na leuaxaicpi (Deuteronomio 18:10-12).