Ishet ra sauattonaq Ñi Jehová ra setaxaixanactac aye nere La Biblia. Co’ollaxa, Ñi Dios lqa’aua’a so shiỹaxauapi yaqto ỹiriñi cam ‘eetapeguec ñi maye. Yem nerecpi qaỹamata’ac nagui la Biblia. Nagui ishet ra sauattonaq Ñi Dios ra setaxaianactaq aye la Biblia. Ishet ra sa’amaqtenaq na l’aqtaqpi huetalec aye nere la Biblia cha’aye Ñi Jehová sa ishet ra ratenataxan. “Sa ishet ra ratenataxan Ñi Dios” (Hebreos 6:18 Dios nvita na shiỹaxauapi). Ra l’aqtac Ñi Dios maye ỹoqta ‘eesa (Juan 17:17).

Aye la Biblia ỹataqta ‘onaxai lachetaqtaxanacte Ñi Dios. Nache ‘ena’am’ aca lere ca nta’a soxoraic ỹamaxa cam llalacpi. Qomi ra’aqtaxateguema ra ‘eetapeguec Ñi Dios, ra ỹoltaxa nonaxat ana a’lhua nache re’era qome naigui ra qaỹamata’ac mataqa’, nache ipacchigui ra ‘ena’am’ colloxochiye so huauchiguiñi. Qomi ra’aqtaxanema ca ‘eeteco colloxochiye ra ilo’ogue so lataxanatacpi qataq cam ‘etapeguec ra ilo’ogue qome na ỹalaxaguetpi ñi maye, qataq ia’axat ra ‘eeteco ra qomi ilo’oguelo nagui. Nataqa’en qomi itaua’n ra samaxasocchiguiñi (2 Timoteo 3:16, 17).

 Na testigopi de Jehová nauochaxaua Ñi Dios nache qataq ishet ra am iapaxaguenec cam naigui aye nere la Biblia. Auquiguiot na mayepi ra am ỹapaxaguenec aca la Biblia qalaxaye sa ishet ra am qaiquiguiot ra ausheten (Mateo 10:8). Nataqa’en ishet ra ahua’a aca laponaxaqui na mayepi. Ra aualegueuo hua’qaq nache sailauague ra auauatton Ñi Dios.

Ishet ra sauattonaq Ñi Dios ra ỹataqta semetenaq nam l’onataqpi ñi maye. Aye la Biblia ‘enapec: Ñi Dios “i’ot na piguem qataq ana a’lhua” (Génesis 1:1 L’aqtaqa ñi I’otapecna). Ñi Jehová ỹo’ot co’ollaxa “na piguem” qataq ỹo’ot añe nala’. Qaq ¿negueto’ ca huotaique qomi ỹapaxaguenque na’a Ñi Dios? Ñi Jehová huotaique ra qomi ỹapaxaguenque ra salaxaic ra la’añaxac. ‘Onolec ñi maye co’ollaxa ra ỹo’ot añe nala’ cha’aye ỹaguec ra laañaxac. Taqa’en qomi ỹachaxanalo Ñi Jehová ra qaica ca ivi’ ra laỹajnec, cha’aye ỹaguec ra laỹajnec ỹoqo’oye añi nala’ huo’o na l’eraxa qataq sa ishet ra n’omñe.

Na l’onataqpi Ñi Jehová ỹachaxan ra qomi ỹauoteque. Semetenaq ana ỹotta’a’t ana ‘epaq ala huetalec ana a’lhua. Ñi Jehová ishetaxa ra qomi ỹanema aca ‘onolec ‘epaq ala qalaxaye qomi ỹanema ra ỹotta’a’t ana mayepi qataq ỹotta’a’t ra lamaic ra ca nallic. ‘Enauac re’era nache ỹachaxatac ra lsoxoyec qataq ra lachetaqtaxanaxac Ñi maye (Salmo 104:24).