So Satanás ilotaque ra qomi’ nqovi’n. Ra huotaique anauochaxaua Ñi Dios, nache auen ra anquia ca qauem cha’aye Ñi Jehová taqa’en nquia ye qauem (Salmo 97:10). Na nauochaxauapi Ñi Dios sa ishet ra ỹo’ot ne’ena qauem ‘onataguecpi:

Quishiguetaxac. “Sa ishit da ‘adauañi’ aca sa ‘adhua” (Éxodo 20:14 LÑI). Saỹaỹamaxañe ra auauoc ra saxanaxa auaron (1 Corintios 6:18).

Taxaỹaic. “Na taxaicpi [...] sa ishit da inoxoneu’a ca ñaq natauo l’onataxanaxac Ñi Dios” (1 Corintios 6:10 DNS).

Laataxanaxaic qataq nsollaqtaguec. “Sa ishit da ‘aualaataxan” (Éxodo 20:13 LÑI).

Ncachaxac. “Sa ishit da ‘aucachi” (Éxodo 20:15 LÑI).

Tenataxanaxac. Ñi Jehová nquia ye natenataxanaxac (Proverbios 6:17).

 Loquiaxac qataq nalemataic. Ñi Jehová nquia ra loquiaxac (Salmo 11:5). “Nachi [...] na n’onataxacpi cam quetague’ da maichi lapachiyaxac” ỹalectauo ra “saq ỹoxonguit da nalemataic” (Gálatas 5:19, 20 DNS).

Llitaxac. “Sa ishet da qaualliquiitapeeguet da huo’o ca [...] mataxalaic” (1 Corintios 5:11 DNS).

Sa nuojnat shiỹaxauapi. “Qauochiic ca ỹaỹamaqchiguiñi cam qami’ nquiỹategalo, qataq qanatamñiitalec cam qami’ ishiueeta’pe, qataq cam qami’ sa iyacna’pe” (Mateo 5:43, 44 DNS).

Ñi Dios qomi ỹapaxague’n nache no’on ye qoyiquiaxac. Qalaqaic ra so’otaq ye nate’eteuo qalaxaye Ñi Jehová qataq na N’testigopi ñi maye qomi itaua’n ra so’otaq ca nate’eteuo (Isaías 48:17; Filipenses 4:13; Hebreos 10:24, 25).