So ỹataqta npa’aguenaxaua Ñi Dios l’enaxat Satanás huo’otaq Diablo. So maye saqaila’a, sa ishet ra ‘ena’am ca shiỹaxaua, co’ollaxa nache ipa’aguen Ñi Jehová. Qaq so maye ñaq ‘eeta’ ra ipa’agueetac Ñi Dios qataq ỹo’otaq ra nque’ejnaxac na shiỹaxauapi. So Satanás ỹataqta yiloxoic, tenataxanaxaic qataq laataxanaxaic (Juan 8:44).

So Satanás huo’o na lamaxashecpi nache qaỹatalec so maye ra ipa’aguen Ñi Dios. Aye la Biblia nache ỹamata’ac demoniopi. Na mayepi taqa’en ỹo’ot ra nque’ejnaxac na shiỹaxauapi (Mateo 9:32, 33; 12:22). Ñi Jehová nlaxajñi qome so Satanás qataq na demoniopi. Mashe saqaỹapeque ye laloqo’ ra imeuec ra ỹo’otaq ra nque’ejnaxac na shiỹaxauapi (Revelación 12:12).

Ra huotaique qanauochaxaua Ñi Dios nache sa ishet ra so’otaq ra ‘eetapeguec so Satanás. So Satanás qataq na demoniopi nquia Ñi Jehová. Na mayepi nache npa’aguenaxaua Ñi Dios qataq nache huotaique ra qanpa’aguenaxaua Ñi Dios. Ỹoqo’oye, nache auen ra alca’au’a ca huotaique qoquegue: So Satanás huo’otaq Ñi Jehová. Ra huotaique chochac tateec ra qanachaalataxac nache seuenac ra so’otaq cam ‘eetapeguec Ñi Dios. So Satanás ỹaỹaten ra ỹatenachet na shiỹaxauapi, nache ỹotta’a’t na loxonaxanaxat ra huotaique ca loxonec ỹoqo’oye qalota na shiỹaxauapi mashe loxonec (Revelación 12:9).