Seuenac ra ñaqtaxanaxaic ca qanauochaxaua yaqto nache ‘eetai’ ra qanauochaxaua. Nache ñaxaỹaxanaxa qataq qomi naxaỹaxanalo. Nataqa’en saxatac ra lataxac ca maye. Re’era nache ‘ena’am ra sauotaique ra nache ‘eetai’ ra qanauochaxaua Ñi Dios. Aye la Biblia ‘enapeco’:

Saq iet ra ñatamnatacot Ñi Jehová. “Sa ishit da qai’axañiiñi da qanatamnaxaqui” (Romanos 12:12 DNS).

Autaxaixan aye la Biblia. “‘Enauaque naua ñiyigui’ishi l’aqtaqa ñi Dios, [...]Qaq naamayi taiguet da qaỹapaxaguenataxanque, qataq da qaỹachaxanaxana ca lataxac, qataq da qaỹaỹamaxajñi ca nasouaxashit” (2 Timoteo 3:16 DNS).

Auapaxaguenec na shiỹaxauapi cam ‘eetapeguec Ñi Dios. “Qanqo’oñiỹa qome na ỹotta’a’t shiỹaxauapi da qauauo’oi nallippi, Qataq qauapaxaguiñiic  qome namayipi da ỹalaxalec ‘ enauac na [...] mayi qami ’ sanema” (Mateo 28:19, 20 DNS).

Inquigaxaua na nauochaxauapi Ñi Dios. ‘Ca n’aigaxaua ca ỹajnaxanaxaic nache nataqa’en qome ra ỹajnaxanaxaic’ (Proverbios 13:20).

Aua’a aca laponaxaqui na Testigopi de Jehová. “Qataq qomi’ no’on da ñi ‘oonolec ipacapegue’ ca lỹa da ñaq huo’o naq’en da lsoxoyic, qataq da i’ot ca ỹaỹamaqchiguiñi. [...] Chaqdata da ñi ‘oonolec i’añaqchiitac ca lỹa” (Hebreos 10:24, 25 DNS).

Setauanac ra l’onataxanaxac Ñi Dios. “Qaq ỹoqo’oyi ñi ‘oonolec ishit da ỹan cam lcata cam tachigui da lquiyaqteỹaxac, qaq sa ishit da chochi nachita’a, huo’otaq da chochi qaỹamaqtalec. Cha’ayi ñi Dios ỹataqta ỹaỹamaxadeeta cam dachitaqtaxan mayi ỹataqta machiguiñi” (2 Corintios 9:7 DNS).