Ra sauotaique ra qanauochaxaua Ñi Dios, nache seuenac ra sauattonaq ñi maye. Na qanauochaxauapi ỹaỹaten ra qarenaxat qataq rogoxona, ¿Nache ‘eetec? Ñi Dios taqa’en huotaique ra sauoattonaq ra l’enaxat qataq ra sogoxonaxa ra l’enaxat. Ñi Dios l’enaxat Jehová (Salmo 83:18; Mateo 6:9). Qataqa’en seuenac ra saỹatenaq ca ỹaỹamaxareeta qataq cam saỹaỹamaxaren, qataq cam nauochaxaua qataq cam sa ishet ra nauochaxaua ñi maye. Qalaq huo’o ra lvic cam n’raqa’ ra nauattona’t caua shiỹaxau’, ỹoqo’oye aye la Biblia ‘enapec ra ỹanaxanaxaic ca shiỹaxaua ra ipacapeguec ra ỹo’ot ca l’raqa ra ỹauatton Ñi Jehová (Efesios 5:15, 16).

Nam nauochaxauapi Ñi Dios nache ỹo’ot nam ỹaỹamaxareta ñi maye. Acouennate ye’eye: Ra huo’o ca anauochaxaua qalaxaye sa auyaqnapec qataq ‘au’ot ca saỹaỹamaxaren, nache ¿ỹaỹamaxareetaco’ ra ñaq anauochaxaua? Sa ishet. Nataqa’en, ra sauoctaique ra qanauochaxaua Ñi Dios, nache seuenac ra so’otaq cam ỹaỹamaxareeta ñi maye (Juan 4:24).

Sa ishet ra ‘eeta’a’t ram l’amqajnataxanaxac na shiỹaxauapi. So Jesus ‘enapec ra dos soua qa’aico. Huo’o so nqa’aic qalotegue qataq qalota na quetaguec so maye. Ye’eye qa’aic maye taỹa’a ra nleuaqa’. Qaq huo’o so qa’aic lỹa sa lca’ague qalaq ỹataqta saq ‘amaqtaq nam ỹanata. Qaq re’era qa’aic maye taỹa’a ra nca’alaxa chochaq tateec. Re’era nache naigui ra sauoctaique ra qanauochaxaua Ñi Dios, nache seuenac ra sauattonaq ca ỹataqta nate’eteuo n’amqajnataxanaxac ỹaỹamaxareeta ñi maye (Mateo 7:13, 14).