Ana aʼlhua ỹataqta ʼonaxai
Ñi Jehová ỹapalaxat na qauem lʼonatac so Satanás. Ñi Jehová lcaʼa so Jesús ra iloʼogue ʼenauac ana aʼlhua. Qom ivitaʼa ra ntaʼa so Jesús nache ỹaỹamaxajñe ltaxa ana aʼlhua nache qanmataxaquiʼ (Daniel 7:13, 14).
Na paguiñe nerecpi ỹachaxan ra ʼeetec qome ra lʼonataxanaxac ñi Jehová.
-
ỸAGUEC NA NALLIC: “Na ỹottaʼaʼt nanguishic ana ʼalhua mashi huoʼo da alaỹaxac; ¡chaʼayi ñi qanatamnaxalaʼ huoʼo da lqouagaxanaqtaic da shinaqta!”. “Huaña, nachi sa ishit da [huoʼo ca] nqueʼetaxangui na lqouaxa qataq na laquip” (Salmo 67:6; Apocalipsis 7:16).
-
IMEUO NA LAATAXAC: “Ña qanmejnaxañiỹa nam iʼotpi mayi iʼot da nʼaalaxa ñim qadataxalaʼ anam ʼalhua, ʼeetaʼ: ñimayi ỹataqta viʼiiguet naqʼen da alaataxac” (Salmo 46:8, 9).
-
IMEUO ʼENAUAC NA SHIỸAXAUAPI YILOXOIC: “Qaq ʼeda da ʼeetec da ñi qadataxalaʼ ishit [...] da nhuaxanaguec na qauemaicpi qom ivita da nmit ʼenauacna” (2 Pedro 2:9).
-
IMEUO NA NALALOXAPI, QUEJNAXAC QATAQ RA NLEUAXA. “Huaña qome, nachi na tagoxoicpi nauaañi, qataq na daʼañaigui na lqaic huaʼaqa; na sa daʼañiiguelo na lchil, qalaq ỹasottañi ʼeetaʼam ana ñiʼimshi, qataq na qaicaua naua lʼaqtaqa, qalaq iʼalaqtaiʼ” (Isaías 35:5, 6).
“Ñimayi ỹalectaʼaguet na shiỹaxauapi, qaq nachiñi ñi ltaʼa Dios namayipi. Nachi ñimayi iỹodeec ʼenauaque naua lachiʼ namayipi. Huaña, nachi sa ishit da ileu ca shiỹaxaua, qataq sa ishit da noỹiitac, huoʼotaq da nʼalaqtapiguiñi, huoʼotaq da huoʼo da nquiʼic. Chaʼayi ʼenauac na seloqtaigui nagui ʼenauac imeuo” (Apocalipsis 21:3, 4).
Ñi Jehová sa ishet nache ʼenaʼam so Satanás qataq na demoniopi, Ñi maye sa ishet ra qomiʼ ỹayen. Ỹataqta ipaqchigui ra huoʼo na lʼaqtac (Lucas 1:36, 37). Ñi Jehová ʼam ỹauotec qataq huotaique ra ʼam qonetaña ca mataqaʼ lʼonatac Ñi maye. Ỹoqoʼoye, ʼonaxaic ra ʼanmitaque na testigopi de Jehová ra ʼam ỹapaxaguenec ca ỹataqta ʼeesa iaʼaxat na nʼaqtac aye la Biblia. ʼAm raʼa yoqta auʼoʼot ye nʼaqtac na anapaxagueetega na ntalec ana la Biblia, nache nagui ishet ra ʼam qaisoguesop ca sa ishet ra ʼeesa, qataq ra ñiʼia ra huoʼo ñi ileu, nache ỹataqta auaỹateetaq ca yoqta ʼeesa. Nache taỹa ra ʼam qaisoguesop ʼenauac na nasouaxashet qataq na nleuaxa. Ỹoqoʼoye so Jesús ʼenapec: “Nachi qamiʼ qome ỹataqta qauauattoñiita da ʼeesa lataxac, qaq deʼeda ʼeesa lataxac, nachida da ỹataqta qamiʼ huesochiyiñi naqʼen” (Juan 8:32).
Petaʼa taqaʼen ra ʼalauela
ENSEÑANZAS IMPORTANTES DE LA BIBLIA
¿Négueʼt ra Lʼonataxanaxac ñi Dios?
ʼEnauac ra lʼonataxanaxac ra nʼaqtac so Jesús, so Jesús saxaỹet ra rapaxaguenataxanec ra Lʼonataxanaxac ñi Dios. Quegue so lappa viʼiyel so lapaxaguenatacpi so Jesús, nqouagaxaunaxac ra nviʼ yeʼeye Lʼonataxanaxac ñi Dios.
