So Satanás qataq na demoniopi sa ishet ra tateec ỹatenachectaq na shiỹaxauapi. Ñi Jehová mashe ỹorauec ye piguem coʼollaxa (Apocalipsis 12:9). Qome Ñi Dios nroteguet ra ipacapegue ra nache ʼenaxa qome so Satanás qataq na demoniopi. Huoʼo so nauanaqchet chigoqoʼot ñi Dios, nache so lamaxashec lʼenaxat Juan ʼenapec: “Qaq can ime deʼeda, nachi sauaateguet so namaxashic chigoqtot na piguem, lasoqtaʼa aso lvinaqte cam laponqaʼ na leuaxaicpi qataq so ltaʼadaic ncoñitaxanaxat. Qaq seʼeso namaxashic, somayi ỹaconeuʼa so ʼicoʼ daʼailʼoc som lʼatchiguiñi nʼa­daxanaq mayi nachiso so shiỹaxaua lmaʼna, lʼenaxat Satanás, nachi icoñidaiʼ mil viʼiyi. Nachi ỹasaxaña cam laponqaʼ na leuaxaicpi. Nachi ỹapouʼa, qataq itoqoolec aso lʼanaxanaqte, da yaqtoʼ sa ishit da qaltaq ỹatenachit na ỹottaʼaʼt shiỹaxauapi, toʼ qom mashi inoxoodeec ca mil viʼiyi” (Apocalipsis 20:1-3). Qalaxaye, so Diablo qataq na demoniopi qanlaxajñe qomchiye (Apocalipsis 20:10).

Taqaʼen qanlaxajñe na yiloxoicpi huetalec ana a’lhua (2 Pedro 2:9; Lucas 13:5).

Qom qanqat so Satanás qataq demoniopi nache Ñi Jehová ỹahuoʼo ra lqouagaxanaqtaic na shiỹaxauapi. Acueinnate na leuaxaicpi ra sa ishet ra ncaʼaltauec, imeuo ra lcaʼalaxa. So Jesús ralocnaxana na nleuaxa ra ʼenaʼam ʼicoʼ ra huoʼo ca rocheta, qalaxaye qaica ca rechoxotega (Juan 11:11-14). So maye ralocnaxana reʼera chaʼaye ỹaỹateetac ra qome huoʼo ca naʼaq ra qancaʼalaxateec na leuaxaicpi. So maye ʼenapec: “Huoʼo qome ca laloqoʼ da ʼenauac na leuaxaicpi [...] da ñishiguem” (Juan 5:28, 29; analoqneguet Hechos 24:15).

Na mayepi qancaʼalaxateec ana aʼlhua. Nache nagui sa ishetma ra ñaxaỹaxanactexa ra ileu na shiỹaxauapi, ¡nrotec ra qaỹaxatac ra qantotapeguec ra qaỹaxat ra huoʼo ñi qancaʼalaxateec! ¡Ỹaguec ra qantonaxac qome ỹoltaga ñauanaxaiʼ na qanauochaxauapi ra ñiguelac!