Qanaʼachec chaʼaye ʼauʼot ca ʼarraqaʼ ra ʼanapaxaguena anaʼana mejna yaqtoʼ qomiʼ ʼauauattooteʼ, qataq ra ʼauauatton na soʼotaqtacpi qataq na ỹoʼot ana qanʼorganización. Qaryaxa ra ʼam itauan ra ʼauaỹateetegue ra ndotec qomiʼ soʼotaqtac ra ʼeetapeguec Ñi Jehová nagui. ʼAm shenaqpega ra qoqueta ra ʼanapaxagueetega Ñi Dios. ʼAuʼaxatem na maiche ʼarhuoʼ taq ʼanauochaxaua nam ʼanapaxagueetega taq saxaỹet ra qomiʼ ʼaualegueuaʼa ye qanaponaxac (Hebreos 10:23-25).

Ra ỹataqta nquictasheguem ra ʼanapaxaguena Ñi Jehová, nache ʼauaỹateetegue ra Ñi maye ʼam ỹauotec. Nache ʼananoma ra ʼanshetaique ra ʼanʼañaqchet ra ʼaviʼiguelaxatot reʼera lauochaxac (1 Juan 4:8-10, 19, DNS). Qalaq, ¿ʼéetec ra ishet ra ʼauachaxaata ra ʼauauotec Ñi Dios ra ʼanachaalataxa? ¿Táʼencoʼ ra ʼam itauan ra ʼaualaxaguet nam lqataxacpi Ñi maye? ¿Négueʼt ca ishet ra nquiguisheguem ra ʼaryaxa ra ʼauʼot ra ʼeetapeguec Ñi Dios qataq ra qomiʼ ʼarỹataʼape? Ca ʼam ỹapaxagueetac aye la Biblia ʼam itauan ra ʼauanata na lasataxacpi neʼena nnataxacpi, nache ʼam qataq na maiche ʼarhuoʼ «sa ishit qome da qaiʼaxañiiuec da lauotaxanaqtaic ñi Dios [...] ca ncaʼalaxa mayi chochaq tateec» (Judas 21, DNS).