NA A’LHUA nagui ỹaguec na quejnaxac: laataxac, huo’o ana a’lhua ipaxaalec, racholaxan, nalolaxa, qaichoxoringui, yenaxanaxaicpi..., ’enauac ne’ena ỹo’ot ra nquejnaxac na qalota shiỹaxauapi. Qaq nagui ’am taqa’en huo’o na anquejnaxac. ¿Negue’t ca ishet ra qomi’ ita­uan? ¿Huo’o ca ishet ra qomi’ icuennate?

Ishet ra sepiaqa’a ñi Dios ra ntela’alo qomi’. Na L’aqtac ñi Dios ’enapec: «¿Peta’a huo’o aca nate’e da icoua’ai, huo’otaq da ỹaxaañi da ỹauotec ca llalec? Qaq nai’ctoxo’ da acamayi icoua’ai ca llalec, qalaxayi aỹim sa ishit da ’am secoua’ai». a

¿Sa isheto’ ra samaxasoqchiguiñe ra saỹatenaq ra’a? Ra lauotaxanaqtaic ñi Dios ỹaguec ra lta’araic napacalec aca nate’e ra ỹauotec ca llalec, ra’a paỹauo qarauotaxanaqtaic sa ishet ra imeuo. ¡Ñi Dios sa ishet ra qomi’ ỹalat! Ñi Dios mashe qomi’ itauan, qalaq que’eca ltaunaxanaxac qaica ca ’ena’am. ¿Ca ’eeteco’? Qomi’ ỹachaxanapec ra huo’o ñi lasom taỹaua’a ye machiguiñe: ra npi’iỹaxac ỹataqta ’eesa.

Re’era npi’iỹaxac ishet ra ỹauota’a qomi’ machiguiñe, qomi’ itauan ra ñaỹamaxajñac, sa ishet ra huo’o ca qanquejnaxac. Qomi’ ñiquigoqot ñi Dios taq qomi’ ỹanema ra machiguiñe qarcuennataxac. Taqa’en ra npi’iỹaxac ’eesa qomi’ ỹavegalo qome ca no’on: ra tateec ca chaalataxac que’eca mataqa’.

Qalaxaye ¿négue’t na npi’iỹaxac ỹataqta ’eesa? Taq ¿ca ’eetec ra ishet ñaqataxañe?